ଚୌଦ୍ଵାର ଫଟୋଗ୍ରାଫର ଆସୋସିଏସନ ର ୫ମ ବାର୍ଷିକ ଉତ୍ସବ ପାଳିତ

ଚୌଦ୍ଵାର, (ଯୁଗାବ୍ଦ ନ୍ୟୁଜ):ଚୌଦ୍ଵାର ଫଟୋଗ୍ରାଫର ଆସୋସିଏସନର ୫ମ ବାର୍ଷିକ ଉତ୍ସବ ବିରୂପା ବ୍ୟାରେଜ୍ ଛକ ନିକଟ ସ୍ଵର୍ଣ୍ଣଲକ୍ଷ୍ମୀ ଗାର୍ଡେନ ପରିସରରେ ପାଳିତ ହୋଇଯାଇଛି। ଆସୋସିଏସନ୍ ସଭାପତି ସତ୍ୟବ୍ରତ ଦାସଙ୍କ ସଭାପତିତ୍ବରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥିଭାବେ ଚଳଚ୍ଚିତ୍ର ଅଭିନେତା ତଥା ନିର୍ଦ୍ଦେଶକ ଶ୍ରୀତମ ଦାସ ଯୋଗଦେଇ ଫଟୋଗ୍ରାଫରଙ୍କ ପାଇଁ ଅତୀତର ସ୍ମୃତିକୁ ସାଉଁଟି ହୁଏ ବୋଲି ବକ୍ତବ୍ୟ ରଖିଥିଲେ। ମୁଖ୍ୟ ବକ୍ତା ଭାବେ କୁସୁମ୍ ଗୃପର ଅଧ୍ୟକ୍ଷ ଅଭିନାଶ ପାତ୍ର,ସମ୍ମାନିତ ଅତିଥିଭାବେ କଟକ ଫଟୋଗ୍ରାଫର ଆସୋସିଏସନ୍ ସଭାପତି ସୁଜିତ୍ ମିଶ୍ର,ପ୍ରାଚୀ ଡିଜିଟାଲର ଚ୍ୟାୟରମ୍ୟାନ ସଚ୍ଚିଦାନନ୍ଦ ସ୍ବାଇଁ,JDS କ୍ରିଏସନ୍ ର ଅଧ୍ୟକ୍ଷ ଶିଶିର କୁମାର ନାୟକ ଯୋଗଦେଇ ଆସୋସିଏସନ୍ ର ଏଭଳି କାର୍ଯ୍ୟକ୍ରମକୁ ପ୍ରଶଂସା କରିଥିଲେ। କାର୍ଯ୍ୟକ୍ରମ ଆରମ୍ଭ ରେ ସଂଜୀବ ତିୱାରୀ ଅତିଥି ପରିଚୟ ପ୍ରଦାନ କରିଥିବା ବେଳେ ସମ୍ପାଦକ ଜୀବନେନ୍ଦୁ ଲେଙ୍କା ବାର୍ଷିକ ବିବରଣୀ ପାଠ କରିଥିଲେ। ଏହି ଅବସରରେ ବିଭିନ୍ନ କ୍ଷେତ୍ରରେ କୃତିତ୍ୱ ହାସଲ କରିଥିବା ବ୍ୟକ୍ତି ବିଶେଷଙ୍କୁ ଅତିଥି ଙ୍କ ଦ୍ଵାରା ସମ୍ମାନିତ କରାଯାଇଥିଲା। ଦୀପକ ବେଉରା, ରଞ୍ଜିତ ବେଉରା,ସେକ୍ ସୋବାନ,ପ୍ରଦୀପ ମହାପାତ୍ର, ଚିନ୍ମୟ ବେହେରା ପ୍ରମୁଖ ଆସୋସିଏସନ୍ କର୍ମକର୍ତ୍ତା କାର୍ଯ୍ୟକ୍ରମ ପରିଚାଳନା ରେ ସହୋଯୋଗ କରିଥିଲେ ଏବଂ ପରି ସେଶ୍ରେ ଆସୋସିଏସନ୍ ର ଉପସଭାପତି ପରୀକ୍ଷିତ ଲେଙ୍କା ଧନ୍ୟବାଦ୍ ଅର୍ପଣ କରିଥିଲେ ।