ଟି-ଟ୍ବେଣ୍ଟି ବିଶ୍ବକପରେ ଆଜି ଭାରତ-ନେଦରଲାଣ୍ଡ ଲଢ଼େଇ

ନୂଆଦିଲ୍ଲୀ, (ଓ୍ବାଇଏନ୍ଏସ୍):ଟି-ଟ୍ବେଣ୍ଟି ବିଶ୍ବକପରେ ଆଜି ଭାରତ-ନେଦରଲାଣ୍ଡ ଲଢ଼େଇ । ପ୍ରଥମ ମ୍ୟାଚ୍ ରେ ପାରମ୍ପରିକ ପ୍ରତିଦ୍ବନ୍ଦ୍ବୀ ପାକିସ୍ତାନକୁ ପରାସ୍ତ କରିବା ପରେ ଦ୍ବିତୀୟ ମ୍ୟାଚ୍ ବିଜୟ ଲକ୍ଷ୍ୟରେ ରହିଛି ରୋହିତ ବାହିନୀ । ଆଜି ଦିନ ସାଢ଼େ ୧୨ଟାରେ ସିଡନୀ ଗ୍ରାଉଣ୍ଡରେ ଖେଳାଯିବ ମ୍ୟାଚ୍ । ଆଜିର ମ୍ୟାଚ୍ ରେ ନେଦରଲାଣ୍ଡକୁ ବଡ଼ ବ୍ୟବଧାନରେ ପରାସ୍ତ କଲେ ଭାରତର ସେମିଫାଇନାଲ ରାସ୍ତା ସହଜ ହେବ ।ତେବେ ଆଜିର ମ୍ୟାଚ୍ ଉପରେ ରହିଛି ବର୍ଷା ବିପଦ । ସିଡନୀରେ ଆଜି ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ଯଦି ବର୍ଷା କାରଣରୁ ମ୍ୟାଚ ବାତିଲ ହୁଏ ତେବେ ଦୁଇ ଦଳକୁ ଗୋଟିଏ ଲେଖାଏଁ ପଏଣ୍ଟ ମିଳିବ । ସେପଟେ ଅଷ୍ଟ୍ରେଲିଆରେ ଚାଲିଥିବା ଟି-୨୦ ବିଶ୍ବକପରେ ବିଭିନ୍ନ ପ୍ରକାର ପରିଚାଳନାଗତ ସମସ୍ୟା ଦେଖିବାକୁ ମିଳିଛି ।ଖେଳାଳିଙ୍କୁ ନିମ୍ନମାନର ଖାଦ୍ୟ ଦିଆଯାଉଥିବା ବେଳେ ଷ୍ଟାଡିୟମଠାରୁ ବହୁ ଦୂରରେ ରହୁଛି ହୋଟେଲ । ଯାହାକୁ ନେଇ ଟିମ ଇଣ୍ଡିଆ ପକ୍ଷରୁ ଅସନ୍ତୋଷ ପ୍ରକାଶ ପାଇଛି । ଏନେଇ ଭାରତୀୟ ଟିମ ମ୍ୟାନେଜମେଣ୍ଟ ପକ୍ଷରୁ ଅଭିଯୋଗ ପରେ ଖୁବଶୀଘ୍ର ସମସ୍ୟାର ସମାଧାନ ହେବ ବୋଲି ଆଇସିସି ପକ୍ଷରୁ କୁହାଯାଇଛି ।