ତିନିଦିନ ହେଲା କଲେଜ ଛାତ୍ର ନିଖୋଜ

ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି କଲେଜର ଯୁକ୍ତ୩ ୨ୟବର୍ଷର ଛାତ୍ର ସୌମ୍ୟ ରଞ୍ଜନ ମହାନ୍ତ ଗତ ତିନିଦିନ ହେଲା କେଉଁଆଡେ ନିଖୋଜ ହୋଇଯାିଛନ୍ତି । ଏନେଇ ପରିବାର ଲୋକଙ୍କ ପକ୍ଷରୁ ଆନନ୍ଦପୁର ଥାନାରେ ଅଭିଯୋଗ କରାଯାଇଥିବାବେଳେ ଗ୍ରାମବାସୀଙ୍କ ସହଯୋଗରେ ତାଙ୍କୁ ଖୋଜାଖୋଜି ଜାରି ରହିଛି । ସୁଚନାରୁ ଜଣାଯାଇଛି ଯେ ଯୋଗିଆବନ୍ଧ ଗ୍ରାମର ସୁରେନ ମହାନ୍ତ ଓ ସ୍ୱର୍ଣ୍ଣଲତା ମହାନ୍ତଙ୍କ ପୁଅ ସୌମ୍ୟ ରଞ୍ଜନ ମହାନ୍ତ(୧୯) ହାଟଡିହି କଲେଜର ଜଣେ ମେଧାବୀ ଛାତ୍ର ଭାବେ ପରିଗଣିତ । ସେ ଶନିପାର ଦିନ ପରୀକ୍ଷା ଦେଇଥିବାବେଳେ ସୋମବାର ଦିନ ପରୀକ୍ଷା ଦେଇଥାନ୍ତା । କିନ୍ତୁ ଗତ ୫ତାରିଖ ରବିବାର ଦିନ ବାପା ମା ମେଡିକାଲକୁ ଯାଇଥିବାବେଳେ ସୌମ୍ୟ ଘରେ ଥିଳା । କିନ୍ତୁ ସେମାନେ ମେଡିକାଲରୁ ଫେରୀିବା ବେଳକୁ ପୁଅ ସୌମ୍ୟ ଘରେ ନଥିଲା । ଅନେକ ଆଡେ ଖୋଜାଖୋଜି କରିଥିଲେ ମଧ୍ୟ ପୁଅର ସନ୍ଧାନ ପାଇ ନଥିଲେ । କେତେକ ତାଙ୍କୁ ଚକ୍ରତୀର୍ଥ ମଠକୁ ଯାଇଥିବା ଦେଖିଥିବା କହିବାପରେ ପରିବାର ଲୋକେ ଚକ୍ରତୀର୍ଥ ମଠକୁ ଯାଇ ଦେଖିବା ବେଳକୁ ତାର ସାଇଲେଟି ସେଠାରେ ରଖାଯାଇଥିବା ଦେଖିଥିଲେ । କିନ୍ତୁ ସୌମ୍ୟର ସନ୍ଧାନ ମିଳିନଥିଲା । ଏନେଇ ପରିବାର ଲୋକେ ଆନନ୍ଦପୁର ଥାନାରେ ଅଭିଯୋଗ କରିବା ସହିତ ଗତକାଲି ଗ୍ରାମବାସୀମାନେ ମଧ୍ୟ ପରିବାର ଲୋକଙ୍କ ସହିତ ସାମିଲ ହୋଇ ଚକ୍ରତୀର୍ଥ ପାହାଡର ବିଭିନ୍ନ ସ୍ଥାନରେ ଖୋଜାଖୋଜି କରିଛନ୍ତି । ଯଦି କେହି ତାଙ୍କର ସନ୍ଧାନ ପାଆନ୍ତି ତେବେ ୭୮୪୭୦୪୦୩୩୨ରେ ଯୋଗାଯୋଗ କରିବାକୁ ପରିବାର ଲୋକେ ଅନୁରୋଧ କରିଛନ୍ତି ।