ଦଶାହ କାର୍ଯ୍ୟ ବେଳେ ନଦୀରେ ବୁଡ଼ି ଭାଉଜ ଓ ଦିଅରର ମୃତ୍ୟୁ

ଜୟପୁର, (ୱାଇଏନ୍‌ଏସ) : ବୈପାରିଗୁଡା ଥାନା ଅନ୍ତର୍ଗତ କୁନ୍ଦୁରା ଅଂଚଳର କଳାପଡାରେ ଏକ ଦୁଃଖଦ ଘଟଣା ଦେଖିବାକୁ ମିଳିଛି l ଗତ କାଲି ରାତିରେ କଳାପଡାର ଗୋଟିଏ ପରିବାରର ୨ ଜଣ ନଦୀରେ ବୁଡି ମୃତ୍ୟୁ ହୋଇଥିବା ଜଣାପଡିଛି l ଗତ କାଲି ଅପରାହ୍ନରେ ଉକ୍ତ ଗ୍ରାମର ଚଇତୁ ପରଜା ଓ ତାଙ୍କ ଭାଉଜ ଜଲବା ପରଜା ନିଜ ସମ୍ପର୍କୀୟଙ୍କ ଦଶାହ କାର୍ଯ୍ୟକ୍ରମରେ ଯୋଗ ଦେବାପାଇଁ କଳାପଡାର ଠାରୁ ଡେଙ୍ଗାକୁସୁମ ଗୁଡାକୁ ଯାଉଥିଲେ l ହେଲେ କନିଆଯୋଡି ନଦୀ ପlର ହୋଇ ଯାଉଥିବା ବେଳେ ନଦୀରେ ଗଡ଼ ଖସି ଯିବା ଫଳରେ ଦୁଇଙ୍କ ମୃତ୍ୟୁ ହୋଇଥିବା ଜଣାପଡିଛି l ନିକଟସ୍ତ ଗ୍ରାମବାସୀ ସାଙ୍ଗ ସାଙ୍ଗ ବୈପାରିଗୁଡା ଅଗ୍ନିଶମ ବିଭାଗକୁ ଖବର ଦେବା ପରେ ବୈପାରିଗୁଡା ଅଗ୍ନିଶମ ବିଭାଗ ଅଧିକାରୀ ସୁଶାନ୍ତ ମହାନ୍ତି ନିଜ ଟିମ ସହ ଘଟଣା ସ୍ଥଳରେ ପହଁଚିଥିଲେ l ରାତି ଯୋଗୁଁ ବହୁ ସମୟ ଖୋଜାଖୋଜି କରିବା ପରେ ଶେଷରେ ଭାଉଜ ଓ ଦିଅରଙ୍କ ମୁତ୍ୟଦେହ ଉଦ୍ଧାର କରିଥିଲେ l ଏନେଇ ବୈପାରିଗୁଡା ଥାନା ରେ ଏକ ମାମଲାରୁଜୁ ହୋଇଥିବା ବେଳେ ଶବ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି l