ଦାଦା ବଟି ମାଗି ଦୁଇ ଗିରଫ

ଚୌଦ୍ୱାର,(ଦୀପକ୍ କୁମାର ବେଉରା): ଦାଦା ବଟି ବିରୋଧରେ ଚୌଦ୍ୱାର ପୁଲିସ ଆରମ୍ଭ କରିଛି କଡ଼ା କାର୍ଯ୍ୟାନୁଷ୍ଠାନ । ଏକ ଶିଳ୍ପାନୁଷ୍ଠାନ କୁ ଦାଦା ବଟି ମାଗିବା ଅଭିଯୋଗରେ ପୋଲିସ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଚୌଦ୍ୱାର ଥାନା ଅନ୍ତର୍ଗତ ଇନ୍ଦ୍ରାଣୀପାଟଣା ପଞ୍ଚାୟତ ରେ ଥିବା ଏକ ଲଜିଷ୍ଟିକ କମ୍ପାନୀ ର ଅଭିଯୋଗ କ୍ରମେ ପୁଲିସ ଲଷ୍ମୀନାରାୟନପୁର ଗ୍ରାମର ଅଜୟ ସ୍ୱାଇଁ(୩୫) ଓ ସୁଯ୍ୟକାନ୍ତ ମହାରଣା(୩୧)ଙ୍କୁ ଗିରଫ କରିଛି । ଗିରଫ ଦୁଇଜଣଙ୍କୁ କୋର୍ଟ ଚାଲାଣ କରାଯାଇଥିବା ଆଇଆଇସି ବିରଞ୍ଚି ନାରାୟଣ ପତି ସୂଚନା ଦେଇଛନ୍ତି ।