ନାଉଗାଁ ବ୍ଳକର ବିଭିନ୍ନ ସ୍ଥାନରେ ବିଦ୍ୟାଦାତ୍ରୀ ମା’ସରସ୍ୱତୀଙ୍କ ପୂଜା

ନାଉଗାଁ, (ଯୁଗାବ୍ଦ ନ୍ୟୁଜ):ନାଉଗାଁ ବ୍ଳକର ବିଭିନ୍ନ ଶିକ୍ଷାନୁଷ୍ଠାନ, ବେସରକାରୀ ସଂସ୍ଥା, ଯୁବକ ସଂଘ ଆଦିରେ ଗୁରୁବାର ବିଦ୍ୟାଦାତ୍ରୀ ମା’ସରସ୍ୱତୀଙ୍କ ପୂଜା ବେଶ ଆଡମ୍ବର ସହ କରାଯାଇଛି । ଏହି ଅବସରରେ ବିଦ୍ୟାଳୟ ଗୁଡିକରେ ମା’ଙ୍କ ମୃଣ୍ମୟ ମୂର୍ତିରେ ବିଭିନ୍ନ ରଙ୍ଗ ବେରଙ୍ଗର କପଡା ଓ ଆଲୋକମାଳାରେ ସୁସଜ୍ଜିତ କରାଯାଇଥିଲା । ଏହି ପୂଜାକୁ ଗୋଠଦା ସରସ୍ୱତୀ ୟୁଥ କ୍ଳବ ପକ୍ଷରୁ ବେଶ ଧୁମଧାମରେ ପାଳନ କରାଯାଉଛି । ୩ଦିନ ବ୍ୟାପୀ ଆୟୋଜନ କରାଯାଉଥିବା ଏହି ପୂଜାରେ ପ୍ରତ୍ୟେହ ବିଶ୍ୱାଶାନ୍ତି ଯଜ୍ଞ କରାଯାଉଛି । ଏହି କାର୍ଯ୍ୟକ୍ରମକୁ କ୍ଳବର ସଦସ୍ୟମାନେ ପରିଚାଳନା କରୁଛନ୍ତି ।