ପିପିଏଲ କାରଖାନା ପରିସରରେ ଅନସାଇଟ୍ ମକଡ୍ରିଲ

ପାରାଦୀପ,(ୱାଏନଏସ): ପିପିଏଲ କାରଖାନା ମଧ୍ୟରେ ସୁରକ୍ଷା ନିରାପତ୍ତା ସୁଦୃଢ କରିବା ପାଇଁ ଅନସାଇଟ୍ ମକଡ୍ରିଲ ଅନୁଷ୍ଠିତ ହୋଇଥିଲା।କାରଖାନା ଓ ବାସ୍ଫିତ ବିଭାଗର ନିର୍ଦ୍ଦେଶ ମୁତାବକ ସମସ୍ତ ପ୍ରକାର ପରୀକ୍ଷା ନିରୀକ୍ଷା କରାଯାଇଥିଲା।ଏଥିରେ ପାରାଦୀପର ଅନ୍ୟ ଶିଳ୍ପ ଯଥା ଇଫକୋ, ଏଏମଏନଏସ, ତୈଳବିଶୋଧନାଗାର,୩ ଟି ତୈଳ ଟର୍ମିନାଲ, ପାରାଦୀପ ବନ୍ଦର ଆଦି ସଂସ୍ଥାର ସୁରକ୍ଷା ଅଧିକାରୀ ମାନେ ସାମିଲ ହୋଇଥିଲେ।ସରକାରଙ୍କ ପକ୍ଷରୁ ଅଗ୍ନିଶମ ବିଭାଗ, ଏନଡିଆରଏଫ,ଆଦି ସାମିଲ ଥିଲେ।ମକଡ୍ରିଲ କୁ ସମୀକ୍ଷା କରିଥିଲେ ବାସ୍ଫିତ ବିଭାଗର ଉପ ନିର୍ଦ୍ଦେଶକ ମନୋଜ ପଣ୍ଡା ଓ ସହକାରୀ ନିର୍ଦ୍ଦେଶକ ଚନ୍ଦ୍ରଶେଖର ବେହେରା।