ପୋଖରୀରେ ମାଟ୍ରିକ୍ ପରୀକ୍ଷାର୍ଥୀଙ୍କ ମୃତ୍ୟୁ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା): ଗଜପତି ଜିଲ୍ଲାର ମୋହନା ବ୍ଲକରେ ଏକ ଅଭାବନୀୟ ଘଟଣା ଘଟିଛି । ମାଟ୍ରିକ୍ ପରୀକ୍ଷା ପାଇଁ ପ୍ରସ୍ତୁତି ସାରି ଗାଧୋଇବା ପାଇଁ ପୋଖରୀକୁ ଯାଇଥିବା ପରିକ୍ଷାର୍ଥୀ ପୋଖରୀରେ ବୁଢି ମୃତ୍ୟୁ ଘଟିଥିବା ଦୁଃଖଦ ଖବର ହସ୍ତଗତ ହୋଇଛି । ମୋହନା ବ୍ଲକର ଗୋବିନ୍ଦପୁର ଗ୍ରାମରେ ନାରାୟଣ ମଲ୍ଲିକ ଆଜି ମାଟ୍ରିକ୍ ପରିକ୍ଷା ପାଇଁ ଥିବା ଇଂରାଜୀ ବିଷୟରେ ପଠପଢା ସାରି ନିକଟସ୍ଥ ବଟ ପୋଖରୀକୁ ଗାଧୋଇବାକୁ ଯାଇଥିଲେ । ସେଠାରେ କୌଣସି କାରଣରୁ ବୁଢି ଯାଇ ପ୍ରାଣ ହରାଇଥିବା ଜଣାଯାଇଛି । ମାଟ୍ରିକ ପରୀକ୍ଷା ପାଇଁ ସମସ୍ତ ପ୍ରସ୍ତୁତି ସାରି ଗାଧୋଇବାକୁ ଯାଇଥିବା ପରୀକ୍ଷାର୍ଥୀଙ୍କ ଏଭଳି ମୃତ୍ୟୁ ଘଟଣା ନେଇ ସମଗ୍ର ଅଂଚଳର ଛାତ୍ରଛାତ୍ରୀ ଓ ଅବିଭାବକମାନଙ୍କ ଠାରେ ଶୋକ ପ୍ରକାଶ ପାଇଛି । ଏହି ଘଟଣା ନେଇ ମୋହନା ଥାନାରେ ଏକ ଅପମୃତ୍ୟୁ ମାମଲା କେସ୍ ନଂ ୧/୨୦ରେ ରୁଜୁ ହୋଇ ଘଟଣାର ତଦନ୍ତ ଚାଲୁ ରହିଛି ।