ପୌରସଂସ୍ଥା ଅଧ୍ୟକ୍ଷ ପଦ ପାଇଁ ଚୁଡ଼ାନ୍ତ ସଂରକ୍ଷଣ ତାଲିକା ପ୍ରକାଶ

କେନ୍ଦ୍ରାପଡା, (ଚିତ୍ତରଞ୍ଜନ ଦାସ) :-କେନ୍ଦ୍ରାପଡ଼ା ପୌରସଂସ୍ଥା ଅଧ୍ୟକ୍ଷ ପଦ ନିମନ୍ତେ ସୋମବାର ଚୁଡ଼ାନ୍ତ ସଂରକ୍ଷଣ ତାଲିକା ପ୍ରକାଶ ପାଇଛି । ଅଧ୍ୟକ୍ଷ ପଦଟି ମହିଳାଙ୍କ ପାଇଁ ସଂରକ୍ଷିତ ରହିଛି । ଗତ ୧୫ ତାରିଖରେ ଏଥିନିମନ୍ତେ ସଂରକ୍ଷଣ ଚିଠା ତାଲିକା ପ୍ରକାଶ ପାଇଥିଲା । ସେଥିରେ ଉଲ୍ଲେଖ ରହିଥିଲା ଯେ ଏ ସଂକ୍ରାନ୍ତରେ କାହାର କୈାଣସି ଆପତ୍ତି ଅଭିଯୋଗ ଥିଲେ ସେ ସମ୍ପର୍କରେ ନଗର ଉନ୍ନୟନ ବିଭାଗ ନିର୍ଦେଶକଙ୍କୁ ଜଣାଇବାକୁ । କିନ୍ତୁ କୌଣସି ବଳିଷ୍ଠ ଆପତ୍ତି ଅଭିଯୋଗ ନ ମିଳିବାରୁ ରାଜ୍ୟ ନଗର ଉନ୍ନୟନ ବିଭାଗ ପକ୍ଷରୁ ଆଜି ଚୂଡାନ୍ତ ସଂରକ୍ଷଣ ବିଜ୍ଞପ୍ତି ପ୍ରକାଶ ପାଇଥିବା ଜଣାପଡିଛି । ଅନୁରୂପ ଭାବେ ପଟ୍ଟାମୁଣ୍ଡାଇ ପୌରପାଳିକାର ଅଧ୍ୟକ୍ଷ ପଦଟି ଅସଂରକ୍ଷିତ ରହିଥିବା ଜଣାପଡିଛି ।