ବାଇକ ଲୁଟେରା ଗ୍ୟାଙ୍ଗକୁ ଗୋଡାଇ ଗୋଡାଇ ଧରିଲା ଟାଉନଥାନା ପୁଲିସ
ହାଟଡିହି, (ବିକାଶ ବିଶ୍ୱାଳ) :-ହାଟଡିହି ବ୍ଲକ ପଞ୍ଚୁଗୋଛିଆ ପଞ୍ଚାୟତର ଆଡହୁରିଆ ଓ ଯଶୋବନନ୍ତପୁର ଗ୍ରାମରେ ଏକ ବାଇକ ଲୁଟେରା ଗ୍ୟାଙ୍ଗ ୨ଜଣ ସଦସ୍ୟଙ୍କୁ କେନ୍ଦୁଝର ଟାଉନଥାନା ପୁଲିସ ଗୋଡାଇ ଗୋଡାଇ ଧରିଥିବାବେଳେ ଆଉ ଦୁଇଜଣ ଫେରାର ହେବାରେ ସକ୍ଷମ ହୋଇଯାଇଛନ୍ତି । ଆଜି ବଡି ଭୋର ସମୟରେ କେନ୍ଦୁଝର ଟାଉନ ନା ପୁଲିସ ଆନନ୍ଦପୁର ଓ ନନ୍ଦିପଦା ପୁଲିସ ସହଯୋଗରେ ଆଡହୁରିଆ ଓ ଯଶୋବନ୍ତପୁର ଗ୍ରାମରେ ଚଢ଼ାଉ କରି ଏକାଧିକ ଚୋରା ବୁଲେଟ ଜବଦ କରିବାରେ ସଫଳ ହୋଇଥିଲା । ପୁଲିସର ଚଢ଼ାଉ ସମ୍ପର୍କରେ ଜାଣିପାରି ୨ଜଣ ଲୁଟେରା ଫେରାର ହୋଇଯିବାରେ ସଫଳ ହୋଇଥିଲେ । ଜଣେ ଲୁଟେରାକୁ ତାଙ୍କ ଘରୁ ପୁଲିସ ଧରିଥିବାବେଳେ ଅନ୍ୟ ଜଣେ ଲୁଟେରାକୁ ବିଲ ଭିତରେ ଗୋଡାଇ ଗୋଡାଇ ଦୀର୍ଘ ସମୟପରେ ଧରିବାରେ ସଫଳ ହୋଇଥିଲା । ଏ ସମ୍ପର୍କରେ ଟାଉନଥାନା ପୁଲିସକୁ ପଚାରିବାରେ ଅନେକ ବାଇକ ଜବଦ ହୋଇଛି, ଅନେକ ଧରା ହୋଇଛନ୍ତି ବୋଲି କହିବା ସହ ତଦନ୍ତ ଚାଲୁଥିବାରୁ ଅଧିକ ସୁଚନା ଦେବାକୁ ମନା କରିଦେଇଥିଲେ ।
