ଭାଗବତ ଜନ୍ମ ଉତ୍ସବ ପାଳିତ

ବନ୍ତ,(ଯୁଗାଦ୍ଧ ନ୍ୟୁଜ) : ବନ୍ତ ବ୍ଲକ ଟିଲୋସ୍ଥିତ ଦିବ୍ୟ ଜୀବନ ଭାଗବତ ଟୁଙ୍ଗି ପକ୍ଷରୁ ଭାଗବତଙ୍କ ଜନ୍ମ ଉତ୍ସବ ପାଳିତ ହୋଇଯାଇଛି । ସକାଳ ସମୟରେ ବୁଡି ପୋଖରୀରୁ କଳସ ଅଣାଯାଇ ଘଟ ସ୍ଥାପନା କରାଯାଇଥିଲା । ଏଥିରେ ଦିବ୍ୟ ଜୀବନ ଭାଗବତ ଟୁଙ୍ଗିର ବରିଷ୍ଠ ସଭ୍ୟ ମଧୁସୂଦନ ସାମଲ, ବରିଷ୍ଠ ସଭ୍ୟା ମାଳତୀ ସାହୁ ସଂକଳ୍ପ କରିଥିଲେ । ପୂଜକ ଭାବେ ଭାସ୍କର ପାଣିଗ୍ରାହୀ ଯଥାରୀତି ପୂଜାର୍ଚ୍ଚନା କରିଥିଲେ । ଏଥିରେ କମିଟିର ସଭ୍ୟ କାଶିନାଥ ସାହୁ, ସଂପାଦକ ସଂଜୟ ସାମଲ, ବରିଷ୍ଠ ସଭ୍ୟ ଦେବେନ୍ଦ୍ରନାଥ ସାହୁ, ପଦ୍ମନାଭ ରାଉତ, ବଳରାମ ସାହୁ, ଲୋକନାଥ ଖୁଣ୍ଟିଆ, ମଦନ ଦାଶ, ବିମ୍ବାଧର ପାଗଳ, ନାରାୟଣ ବିଶ୍ୱାଳ, ଦିନବନ୍ଧୁ ମହାରଣା, ବାବାଜି ଜେନା, ସନ୍ତୋଷ ନାଥ ସହଯୋଗ କରିଥିଲେ ।