ଶୌଚ ଯିବାକୁ କେନ୍ଦ୍ରକରି ତୁମୁଳ ସଂଘର୍ଷ: ୩ ଗୁରୁତର

ବାଲେଶ୍ୱର, ଯୁଗାବ୍ଦ ନ୍ୟୁଜ୍) : ସଦର ଥାନା ଅନ୍ତର୍ଗତ ବେଲବାରିଆ ଓ ବୁଆଁଳ ନିକଟବର୍ତ୍ତୀ ସଡକ କଡରେ ଜଣେ ବ୍ୟକ୍ତି ଝାଡା ଫେରୁଥିବା ବେଳେ ବେଲବାରିଆ ଖଳାଟିକିରି ପଦାଠାରେ ୩ ଜଣ ପିଲା ବସିଥିଲେ । ଝାଡା ଫେରୁଥିବା ବ୍ୟକ୍ତିଙ୍କୁ ଏହି ୩ ଜଣ ପିଲା କହିଥିଲେ କି, ପଡିଆରେ ପିଲା ଖେଳୁଥିବା ବେଳେ ତୁମେ କାହିଁକି ଶୌଚ କରୁଛ । ଏହି ଘଟଣାକୁ ନେଇ ଆରମ୍ଭ ହୋଇଥିଲା ଦୁଇ ଗୋଷ୍ଠୀଙ୍କ ମଧ୍ୟରେ ବିବାଦ । ଗୋପିଆ ଜେନାଙ୍କ ପୁତ୍ର ଝାଡା ଫେରୁଥିଲା ବେଳେ ଘଟମା ଉତ୍ତେଜନାମୂଳକ ପରିସ୍ଥିତି ସୃଷ୍ଟି କରିବାରୁ ତତ୍କ୍ଷଣାତ୍ ଶାମ ଜେନାଙ୍କ ପୁଅ, ପାଗୁଲୁ ଜେନାଙ୍କ ପୁଅ ଓ ମହେଶ୍ୱର ଜେନାଙ୍କ ପୁଅ ତିନି ଜଣ ଆସି ପହଞ୍ଚିଥିଲେ । ଏଣେ ବୁଆଁଳ ଅଞ୍ଚଳର ଖଗଙ୍କ ପୁଅ ଚିକୁ ଘଟମାସ୍ଥଳରେ ଆସି ପହଞ୍ଚିଯିବାରୁ ଉଭୟଙ୍କ ମଧ୍ୟରେ ଝଗଡା ଚାଲିଥିଲା ବେଳେ ଶ୍ୟାମ ଜେନାଙ୍କ ପୁଅ ପ୍ରଥମେ ଭୁଜାଲିରେ ଚିକୁଙ୍କୁ ଆକ୍ରମଣ କରିଥିଲା । ଚିକୁ ତତ୍କ୍ଷଣାତ୍ ସେହି ଭୁଜାଲିକୁ ଶ୍ୟାମ ଜେନାଙ୍କ ପୁଅକୁ ଆକ୍ରମଣ କରିଥିଲା । ଏଣେ ମଧ୍ୟସ୍ଥା କରୁଥିବା କୁଡିଆ ଅଞ୍ଚଳର କଟ ସାହୁଙ୍କ ପୁଅ ମଧ୍ୟ ମରଣାନ୍ତକ ଆକ୍ରମଣରେ ଗୁରୁତର ହୋଇଥିଲା । ଦୁଇ ଜଣ ବାଲେଶ୍ୱର ମୁଖ୍ୟଚିକିତ୍ସାଳୟରେ ଭର୍ତ୍ତି ହୋଇଥିଲା ବେଳେ ଅନ୍ୟଜଣେ ଗୁରୁତର ଆହତଙ୍କୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।