ଶ୍ରମିକଙ୍କ ମୃତ ଦେହ ଉଦ୍ଧାର

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା): ଭଣ୍ଡାରିପୋଖରୀ ଥାନା ମାଳଦା ପଞ୍ଚାୟତ ରଘୁନାଥପୁର ଖେଳପଡିଆ ନିକଟରୁ ରବିବାର ଜଣେ ଶ୍ରମିକଙ୍କ ମୃତଦେହ ଉଦ୍ଧାର ହୋଇଛି । ମିଳିଥିବା ସୂଚନା ଅନୁଯାୟୀ କେନ୍ଦୁଝର ଜିଲ୍ଲା ଘଟଗାଁ ଥାନା ତୋରାଣିପୋଖରୀ ଗ୍ରାମର ଗୁରା ମୁଣ୍ଡା ଓ ପତ୍ନୀ ସଂଜୁ ମୁଣ୍ଡା ଭଣ୍ଡାରିପୋଖରୀ ଥାନା ନପଙ୍ଗ ପଞ୍ଚାୟତ ବାଙ୍କମୁହାଁ ଗ୍ରାମର ଚଣ୍ଡାଳି ସାହିକୁ ବିଲ କାମ କରିବାକୁ ଗତ ସପ୍ତାହରେ ଆସିଥିଲେ । ଶନିବାର ସନ୍ଧ୍ୟାରୁ ଗୁରା ନିଖୋଜ ଥିବା ବେଳେ ଆଜି ତାଙ୍କ ଶବ ରଘୁନାଥପୁର ପଡିଆର ଏକ ବୁଦାମୂଳରୁ ମିଳିଥିବା ଜଣାଯାଇଛି । ଗ୍ରାମବାସୀମାନେ ଏଥିନେଇ ସ୍ଥାନୀୟ ଥାନାକୁ ଜଣାଇବା ପରେ ସଂଗେସଂଗେ ପୁଲିସ ସେଠାରେ ପହଞ୍ଚିବା ସହ ମୃତକଙ୍କ ପତ୍ନୀ ପହଞ୍ଚି ଶବ ଚିହ୍ନଟ କରିଥିବା ଜଣାଯାଇଛି । ପତ୍ନୀ ସଂଜୁୁ ଥାନାରେ ଅଭିଯୋଗ କରିବା ପରେ ପୁଲିସ ପକ୍ଷରୁ ଶବ ଜବତ କରାଯାଇ ବ୍ୟବଚ୍ଛେଦ ପାଇଁ ପଠାଯାଇଥିଲା । ଏନେଇ ୧୩/୨୧ରେ ଏକ ଅପମୃତ୍ୟୁ ମାମଲା ରୁଜ୍ଜୁ କରାଯାଇ ତଦନ୍ତ ଆରମ୍ଭ କରାଯାଇଛି ।