ଶ୍ରୀରାମ ମନ୍ଦିରରେ ବିଶ୍ୱଶାନ୍ତି ମହାଯଜ୍ଞ

କେନ୍ଦ୍ରାପଡା, (ଚିତ୍ତରଞ୍ଜନ ଦାସ) :-କେନ୍ଦ୍ରାପଡା ବ୍ଲକ ଅନ୍ତର୍ଗତ କଂସାର ଗ୍ରାମର ଶ୍ରୀରାମ ମନ୍ଦିର ଆଞ୍ଚଳିକ ରାମଦୟା ପରିଷଦ ଆନୁକୂଲ୍ୟରେ ପଞ୍ଚମ ବାର୍ଷିକ ବିଶ୍ୱଶାନ୍ତି ମହାଯଜ୍ଞ ପାଞ୍ଚଦିନ ଧରି ଅନୁଷ୍ଠିତ ହୋଇଯାଇଛି । ରୀତିନୀତି ଅନୁଯାଇ ଅଙ୍କୁରରୋପଣ, ସୂର୍ଯ୍ୟପୂଜା, ଭୂମି ପୂଜନ, ଗୋପୂଜା, ଆଳତୀ ପ୍ରଭୃତି କରାଯାଇଥିଲା । ଏଥିସହିତ ପ୍ରତ୍ୟେହ ବିଶିଷ୍ଟ ପ୍ରବଚକମାନଙ୍କ ଦ୍ୱାରା ପ୍ରବଚନ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା । ପରିଷଦର ସଦସ୍ୟ ପରମାନନ୍ଦ ରାଉତ, ରବୀନ୍ଦ୍ର ପଣ୍ଡା, ଅର୍ଜ୍ଜୁନୀ ମହାପାତ୍ର, ଗଣେଶ୍ୱର ନାୟକ, ବସନ୍ତ ଓଝା, ଦିବାକର ଦାସ, କ୍ଷେତ୍ରବାସୀ ପରିଡା, ରବିନ୍ଦ୍ର ସ୍ୱାଇଁ, ସ୍ମୃତିରଞ୍ଜନ ସ୍ୱାଇଁ, ଅଭିରାମ ମହାପାତ୍ର, ଅନନ୍ତ ଚରଣ ନାୟକ ପ୍ରମୁଖ ପରିଚାଳନାରେ ସହାୟତା କରିଥିଲେ । ମନୋରଞ୍ଜନ ପଣ୍ଡା ଯଜ୍ଞରେ କର୍ତ୍ତା ଭାବରେ କାର୍ଯ୍ୟ ସମ୍ପାଦନ କରିଥିଲେ ।