ହାଟଡିହିରେ ଡେଙ୍ଗୁ ରୋଗୀଙ୍କ ମୃତ୍ୟୁ
ହାଟଡ଼ିହି, (ଯୁଗାବ୍ଦ ନ୍ୟୁଜ୍) : ହାଟଡିହି ବ୍ଲକ ବଞ୍ଚୋରେ ଆଜି ଜଣେ ଡେଙ୍ଗୁ ରୋଗୀଙ୍କ ମୃତ୍ୟୁ ଘଟିଥିବା ଜଣାଯାଇଛି । ଖବରରୁ ଜଣାଯାଇଛି ଯେ ବଞ୍ଚୋ ଗ୍ରାମର ବାବାଜି ଚରଣ ଘଡେଇଙ୍କ ପତ୍ନୀ ମଞ୍ଜୁଲତା ଘଡେଇ (୫୩) ଗତ କିଛିଦିନ ତଳେ ହରିଦ୍ୱାର ବୁଲିବାକୁ ଯାଇଥିଲେ । ସେଠାରୁ ଫେରିବା ବାଟରେ ତାଙ୍କର ଗୋଡ ହାତ ବିନ୍ଧା ବିନ୍ଧି ହେବା ସହ ଝାଡାରୋଗରେ ପଡିଥିଲେ । ପ୍ରଥମେ ତାଙ୍କୁ ଆନନ୍ଦପୁର ଓ ପରେ ଅଶ୍ୱିନୀ ହସପିଟାଲ ନିଆଯାଇ ରକ୍ତ ପରୀକ୍ଷା କରିବାପରେ ସେ ଡେଙ୍ଗୁ ରୋଗରେ ଆକ୍ରାନ୍ତ ଥିବା ଜଣାପଡିଥିଲା । ଦୁଇଦିନ ଧରି ଚିକିତ୍ସା ଚାଲିଥିବାବେଳେ ଆଜି ତାଙ୍କର ମୃତ୍ୟୁ ଘଟିଛି । ଏହାକୁ ନେଇ ଗ୍ରାମରେ ଶୋକର ଛାୟା ଖେଳିଯାଇଛି । ତାଙ୍କ ମରଶରୀରରକୁ ପୁରୀ ସ୍ୱର୍ଗଦ୍ୱାରକୁ ନିଆଯାଇ ଶେଷକୃତ୍ତ୍ୟ ସମ୍ପର୍ଣ୍ଣ କରାଯାଇଛି । ଏ ସମ୍ପର୍କରେ ଶାଳଣିଆଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଅଧିକାରୀଙ୍କୁ ପଚାରିବାରେ ତାଙ୍କ ପାଖରେ ସେପରି କିଛି ଖବର ନଥିବା କହିଛନ୍ତି । ବଞ୍ଚୋରେ ଡେଙ୍ଗୁ ସଚେତନତା କାର୍ୟ୍ୟକ୍ରମ ଚାଲୁ କରିବା ସହିତ ଆବଶ୍ୟକ ପଦକ୍ଷେପ ନେବାକୁ ଦାବି ହେଉଛି ।
