୫ନମ୍ବର (କ) ଜାତୀୟ ରାଜପଥରେ ଟ୍ୟାଙ୍କର ଧକ୍କାରେ ଯୁବକ ମୃତ

କେନ୍ଦ୍ରାପଡା,(ଚିତ୍ତରଞ୍ଜନ ଦାସ): ୫ନମ୍ବର(କ) ଜାତୀୟ ରାଜପଥରେ ଏକ ଟ୍ୟାଙ୍କର ଧକ୍କାରେ ଜଣେ ବାଇକ ଆରୋହୀ ଯୁବକଙ୍କର ମୃତ୍ୟୁ ହୋଇଯାଇଥିବା ଜଣାପଡିଛି । ଘଟଣା ଅନୁଯାଇ ଜାତୀୟ ରାଜପଥର ଦୁହୁରିଆ – ମରଡପୁର ମଝିରେ ବାଇକରେ ଯାଉଥିବା ଟାଉନଥାନା ଅନ୍ତର୍ଗତ ମୀରପାଟଣା ଗ୍ରାମର ଆବୁ କଲାମଙ୍କ ପୁଅ ସେକ କୁନୁଆ(୩୦)ଙ୍କୁ ଏକ ଅଜଣା ଟ୍ୟାଙ୍କର ଧକ୍କା ଦେବାରୁ ସେ ବାଇକରୁ ରାସ୍ତାଉପରେ ଛିଟିକି ପଡିଥିଲେ । ସ୍ଥାନୀୟ ଲୋକଙ୍କ ସାହାୟତାରେ ରବିବାର ସନ୍ଧ୍ୟାରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସଦର ଥାନା ପୋଲିସ ଶବ ଜବତ କରି ବ୍ୟବଛେଦ ପାଇଁ ପଠାଇ ତଦନ୍ତ ଜାରି ରଖିଥିବା ଥାନା ସୂତ୍ରରୁ ସୂଚନା ମିଳିଛି ।