ଦୁଇଟି ମାମଲାରେ ୧୭. ୫ ଲିଟର ଅବୈଧ ମଦ ଜବତ
ବନ୍ତ, (ଚାନ୍ଦିନୀ ମହାନ୍ତି): ଶୁକ୍ରବାର ସନ୍ଧ୍ୟା ସମୟରେ ବନ୍ତ ପୋଲିସ ପକ୍ଷରୁ ପାଟ୍ରୋଲିଂ ସମୟରେ ଦୋଳପଦୀ ଗ୍ରାମରେ ଅବୈଧ ମଦ ବିକ୍ରୟ ସମ୍ପର୍କରେ ବିଶ୍ୱସ୍ତ ସୂଚନା ମିଳିଥିଲା। ଏକ ପୋଲିସ ଦଳ ସ୍ୱାଧୀନ ସାକ୍ଷୀଙ୍କ ସହିତ ଘଟଣାସ୍ଥଳକୁ ଯାଇ ଅବୈଧ ମଦ ବିକ୍ରୟରେ ସମ୍ପୃକ୍ତ ଥିବା ଜଣେ ବ୍ୟକ୍ତିଙ୍କୁ ଅଟକ ରଖିଥିଲା। ତଲାସୀ ସମୟରେ ଦୁଇଟି ଧଳା ରଙ୍ଗର ପ୍ଲାଷ୍ଟିକ୍ ବୋତଲ ଏବଂ ଦୁଇଟି ସବୁଜ ରଙ୍ଗର ପ୍ଲାଷ୍ଟିକ୍ ବୋତଲରେ ଥିବା ୧୦ ଲିଟର ଅବୈଧ ମଦ ପ୍ରତ୍ୟେକଟିରେ ୨. ୫ ଲିଟର ସ୍ୱାଧୀନ ସାକ୍ଷୀଙ୍କ ଉପସ୍ଥିତିରେ ଜବତ କରାଯାଇଥିଲା। ଅଭିଯୁକ୍ତ ଅନନ୍ତ ମୁଣ୍ଡା(୨୦) ଚିହ୍ନଟ ହୋଇଥିଲେ। ସେ ମଦ ରଖିବା ଏବଂ ବିକ୍ରୟକୁ ଅନୁମୋଦନ କରୁଥିବା କୌଣସି ବୈଧ ଲାଇସେନ୍ସ, ପରମିଟ୍ କିମ୍ବା ସମର୍ଥନକାରୀ ଡକ୍ୟୁମେଣ୍ଟ ଉପସ୍ଥାପନ କରିପାରି ନ ଥିବାରୁ ଓଡ଼ିଶା ଅବକାରୀ ଆଇନର ଧାରା ୫୨(କ) ଅନୁଯାୟୀ ୨୮୧/୨୬ ମୂଳେ ଏକ ମାମଲା ରୁଜୁ କରାଯାଇଛି। ସେହିପରି ପୁରୁଷତ୍ତମପୁର(ପାନଖିଆପଦୀ)ରେ ଅବୈଧ ମଦ ବିକ୍ରୟ ସମ୍ପର୍କରେ ବିଶ୍ୱସ୍ତ ସୂଚନା ପାଇବା ପରେ ଏକ ପୋଲିସ ଦଳ ସ୍ୱାଧୀନ ସାକ୍ଷୀଙ୍କ ସହିତ ଘଟଣାସ୍ଥଳକୁ ଯାଇଥିଲେ। ଅବୈଧ ମଦ ବିକ୍ରୟ କରୁଥିବା ଅଭିଯୋଗରେ ଜଣେ ବ୍ୟକ୍ତିଙ୍କୁ ଅଟକ ରଖାଯାଇଥିଲା। ତଲାସୀ ସମୟରେ ଦୁଇଟି ଧଳା ରଙ୍ଗର ପ୍ଲାଷ୍ଟିକ୍ ବୋତଲ ଏବଂ ଗୋଟିଏ ସବୁଜ ରଙ୍ଗର ପ୍ଲାଷ୍ଟିକ୍ ବୋତଲରେ ଥିବା ୭.୫ ଲିଟର ଅବୈଧ ମଦ ପ୍ରତ୍ୟେକ ବୋତଲରେ ୨.୫ ଲିଟର ଉଦ୍ଧାର କରାଯାଇ ସ୍ୱାଧୀନ ସାକ୍ଷୀଙ୍କ ଉପସ୍ଥିତିରେ ଜବତ କରାଯାଇଥିଲା। ଅଭିଯୁକ୍ତ ଜଣକ ହେଲେ ସଞ୍ଜୟ କାଣ୍ଡି (୩୪)। ସେ ମଦ ରଖିବା ଏବଂ ବିକ୍ରୟକୁ ଅନୁମୋଦନ କରୁଥିବା କୌଣସି ବୈଧ ଲାଇସେନ୍ସ, ପରମିଟ୍ କିମ୍ବା ସମର୍ଥନକାରୀ ଡକ୍ୟୁମେଣ୍ଟ୍ ଦେଖାଇ ପାରି ନଥିବାରୁ ଓଡ଼ିଶା ଅବକାରୀ ଆଇନର ଧାରା ୫୨(କ) ଅନୁଯାୟୀ ୨୮୨/୨୬ରେ ଏକ ମାମଲା ରୁଜୁ କରାଯାଇଥିଲା।
