ଗଞ୍ଜାମ ଜିଲ୍ଲାପାଳ ଓ ଆରକ୍ଷୀ ଅଧୀକ୍ଷକଙ୍କ ଯୁଗ୍ମ ଅଭିଯୋଗ ଶୁଣାଣୀ
ଛତ୍ରପୁର,(ଯୁଗାବ୍ଦ ନ୍ୟୁଜ) : ଜଉଗଡ ସମ୍ମିଳନୀ କକ୍ଷ ଠାରେ ଗଞ୍ଜାମ ଜିଲ୍ଲାପାଳ ଏବଂ ଆରକ୍ଷୀ ଅଧୀକ୍ଷକ ଙ୍କ ଯୁଗ୍ମ ଅଭିଯୋଗ ଶୁଣାଣୀ ସୋମବାର ଅନୁଷ୍ଠିତ ହୋଇଯାଇଛି । ଗଞ୍ଜାମ ଜିଲ୍ଲାପାଳ ଦିବ୍ୟ ଜ୍ୟୋତି ପରିଡା ଏବଂ ଗଞ୍ଜାମ ଆରକ୍ଷୀ ଅଧୀକ୍ଷକ ଜଗମୋହନ ମୀନା ଉପସ୍ଥିତ ରହି ଜନ ଶୁଣାଣୀ କରିଥିଲେ । କେତକ ଅଭିଯୋଗ ଗୁଡିକର ଆସୁ ସମାଧାନ ହୋଇଥିବା ବେଳେ ଆଉ କେତକ ଅଭିଯୋଗ ଗୁଡିକ ର ସମାଧାନ ନିମନ୍ତେ ବିଭଗୀୟ ଅଧିକାରୀ ନିକଟ କୁ ପଠାଯାଇଥିଲା, ଆଜିର ଜନ ଶୁଣାଣୀରେ ଛତ୍ରପୁର ଉପଖଣ୍ଡ ସମେତ ଜିଲ୍ଲାର ସମୁଦାୟ ୨୭୪ ଗୋଟି ଆବେଦନର ଶୁଣାଣୀ କରାଯାଇଥିଲା , ସେଥିମଧ୍ୟ ରୁ ୨୫୨ ଟି ଅଭିଯୋଗ ବ୍ୟକ୍ତିଗତ ରହି ଥିବା ବେଳେ ୨୨ଟି ଅଭିଯୋଗ ସାମୁହିକ ଥିଲା । ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତକରଣ ବିଭାଗ ପକ୍ଷରୁ ୨ ଜଣ ଦିବ୍ୟାଙ୍ଗ ଙ୍କୁ ଟ୍ରାଇ ସାଇକେଲ, ଜଣଙ୍କୁ ହୁଇଲଚ୍ୟାୟାର ଏବଂ ଦୁଇଜଣ ଦୃଷ୍ଟିହୀନ ଯୁବକ ଙ୍କୁ ଲାପଟପ ବଣ୍ଟନ କରାଯାଇଥିଲା । ସେହିପରି ରେଡକ୍ରସ ପାଣ୍ଠି ରୁ ଜଣଙ୍କୁ ୧ ୫ ହଜାର ଟଙ୍କା ଏବଂ ଆଉ ଜଣକୁ ୨ ହଜାର ଟଙ୍କା ସହାୟତା ରାଶି ପ୍ରଦାନ କରାଯାଇଥିଲା, ଅଭିଯୋଗ ପ୍ରକୋଷ୍ଠରେ ଗଞ୍ଜାମ ଜିଲ୍ଲାପରିଷଦ ର ସିଡିଓ ମଧୁମିତା, ଅତିରିକ୍ତ ଜିଲ୍ଲାପାଳ ଲିନା କୁମାରୀ ଖେସ, ଛତ୍ରପୁର ଉପଜିଲ୍ଲାପାଳ ଦେବଦତ୍ତ ମହାନ୍ତ,ଛତ୍ରପୁର ଏସଡିପିଓ ଗୌରହରି ସାହୁ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ କଲ୍ୟାଣୀ ଦାସ ଙ୍କ ସମେତ ଅନ୍ୟାନ୍ୟ ବିଭାଗୀୟ ଅଧିକାରୀ ମାନେ ଉପସ୍ଥିତ ଥିଲେ