ରୋଲାଣ୍ଡ୍ ଫାର୍ମାସୀ କଲେଜର ବାର୍ଷିକ ଉତ୍ସବ ‘ଏଲିକ୍ସିର୍ ୨୦୨୪’ ଅନୁଷ୍ଠିତ
ବ୍ରହ୍ମପୁର, (ଅନିଲ କୁମାର) : ରୋଲାଣ୍ଡ୍ ଫାର୍ମାସୀ କଲେଜର ବାର୍ଷିକ ଉତ୍ସବ ‘ଏଲିକ୍ସିର୍ ୨୦୨୪’ ଅନୁଷ୍ଠାନର ନବନିର୍ମିତ ପ୍ରେକ୍ଷାଗୃହରେ ଅନୁଷ୍ଠିତ ହୋଇଯାଇଛି ଏହି କାର୍ଯ୍ୟକ୍ରମକୁ ଓଡ଼ିଶା ମେଡ଼ିକାଲ ଶିକ୍ଷା ଓ ବୈଷୟିକ ନିର୍ଦ୍ଦେଶାଳୟର ଉପନିର୍ଦ୍ଦେଶକ ଡା ରାଜେନ୍ଦ୍ର କୁମାର ପଣ୍ଡା ଏବଂ ବରିଷ୍ଠ ଡାଇବେଟିସ୍ ଏବଂ ଅନ୍ତଃଶ୍ରାବୀ ଗ୍ରନ୍ଥି ବିଶେଷଜ୍ଞ ଡା ସୁନିଲ୍ କୁମାର କୋଟା ପ୍ରଦୀପ ପ୍ରଜ୍ବଳନ କରି ଉଦଘାଟନ କରିଥିଲେ କାର୍ଯ୍ୟକ୍ରମର ଆରମ୍ଭରେ ଅନୁଷ୍ଠାନର ନବନିର୍ମିତ ଡା ଜେ ସୁର୍ଯ୍ୟାରାଓ ମେମୋରିଆଲ୍ ହଲକୁ ଆନୁଷ୍ଠାନିକ ଭାବରେ ଉଦ୍ଘାଟନ କରାଯାଇଥିଲା ଏହି ଉତ୍ସବରେ ନିମନ୍ତ୍ରିତ ଅତିଥିଙ୍କ ସମେତ, ଅନୁଷ୍ଠାନର ଚେୟାରପର୍ସନ ଶ୍ରୀମତି ଜେ ଜୟଲକ୍ଷ୍ମୀ, ନିର୍ଦ୍ଦେଶିକା ଡଃ ଜେ ଶ୍ରୁତି, ଅଧ୍ୟକ୍ଷ ଡଃ ବି ଭି ଭି ରବିକୁମାର, ଉପାଧ୍ୟକ୍ଷ ଡଃ ସି ଏଚ୍ ନିରଞ୍ଜନ ପାତ୍ର ପ୍ରମୁଖ ମଞ୍ଚାସୀନ ଥିଲେ
ଅଧ୍ୟାପିକା ଐଶ୍ବର୍ଯ୍ୟା ପଟ୍ଟନାୟକ କାର୍ଯ୍ୟକ୍ରମ ସଂଚାଳନ କରିଥିଲେ ଏବଂ ଅଧ୍ୟାପକ ରାଜାରାମ ଦାସ, ଅତିଥି ପରିଚୟ ପ୍ରଦାନ କରିଥିଲେ ପ୍ରଦୀପ ପ୍ରଜ୍ବଳନ ସହ ଜାତୀୟ ସଂଗୀତ ଗାନ କରାଯାଇଥିଲା ଚେୟାରପର୍ସନ ଶ୍ରୀମତି ଜେ ଜୟଲକ୍ଷ୍ମୀ ସ୍ବାଗତ ସମ୍ଭାଷଣ ଦେଇଥିଲେ, ନିର୍ଦ୍ଦେଶିକା ଡଃ ଜେ ଶ୍ରୁତି ସଭାକୁ ସମ୍ବୋଧିତ କରିଥିଲେ ଏବଂ ଅଧ୍ୟକ୍ଷ ଡଃ ରବିକୁମାର ବାର୍ଷିକ ବିବରଣୀ ପାଠ କରିଥିଲେ ନିମନ୍ତ୍ରିତ ଅତିଥିମାନେ ଛାତ୍ରଛାତ୍ରୀଙ୍କୁ ଉତ୍ତମ ଶିକ୍ଷାଗ୍ରହଣ ଏବଂ ସାମ୍ପ୍ରତିକ ସମୟରେ ସ୍ବାସ୍ଥ୍ୟ ସଚେତନତା ସମେତ ମାନବିକ ମୂଲ୍ୟବୋଧ ପ୍ରତି ସଚେତନ ହେବାପାଇଁ ଉପଦେଶ ଦେଇଥିଲେ ବିପିୟୁଟି ବିଶ୍ବବିଦ୍ୟାଳୟସ୍ତରୀୟ ପରୀକ୍ଷାରେ ସର୍ବୋତ୍କୃଷ୍ଟ ଅଙ୍କ ରଖିଥିବା ବିଜେତା ଛାତ୍ରଛାତ୍ରୀମାନଙ୍କୁ ସ୍ବର୍ଣ୍ଣପଦକ ଦ୍ବାରା ସମ୍ମାନିତ କରାଯାଇଥିଲା ବିଭିନ୍ନ ସେମିଷ୍ଟାର ପରୀକ୍ଷାରେ ପ୍ରଥମ ସ୍ଥାନ ଗ୍ରହଣ କରିଥିବା ଛାତ୍ରଛାତ୍ରୀଙ୍କୁ ସମ୍ମାନିତ କରାଯାଇଥିଲା କାର୍ଯ୍ୟକ୍ରମ ଶେଷରେ ବିଭିନ୍ନ କ୍ରୀଡ଼ା ତଥା ଅନ୍ୟାନ୍ୟ ପ୍ରତିଯୋଗୀତା ମାନଙ୍କରେ ସଫଳ ହୋଇଥିବା ପ୍ରତିଯୋଗୀଙ୍କୁ ପୁରସୃତ କରାଯାଇଥିଲା ସଭା ଶେଷରେ ଅଧ୍ୟାପକ ରାଜାରାମ ଦାସ, ଧନ୍ୟବାଦ ଅର୍ପଣ କରିଥିଲେ ଉଦଘାଟନୀ ଉତ୍ସବ ପରେ ଛାତ୍ରଛାତ୍ରୀ ତଥା ଅଧ୍ୟାପକ ମାନଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା ବାର୍ଷିକ ଉତ୍ସବ କାର୍ଯ୍ୟକ୍ରମ ପରିଚାଳନରେ ଅନୁଷ୍ଠାନର ସମସ୍ତ ଶିକ୍ଷକ, ଅଣଶିକ୍ଷକ ଏବଂ ସମସ୍ତ କର୍ମଚାରୀ ସହଯୋଗ କରିଥିଲେ