ଋଷିକୁଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟ, ଅଧାରୁ ଅଧିକ ଫେଲ ୨୩୦ରୁ ୧୧୮ଫେଲ, ସର୍ବନିମ୍ନ ମୋଟ ମାର୍କ ୧୦

ସୋରଡା,(ରଜନୀକାନ୍ତ ମହାପାତ୍ର):ଓଡିଶାରେ ରବିବାର ଦିନ ୧୦ମ ଶ୍ରେଣୀ ସମେତ ଯୁକ୍ତ ଦୁଇର ସମସ୍ତ ବର୍ଗର ମଧ୍ୟ ଫଳାଫଳ ବାହାରିଛି। ସୋରଡାରେ ଥିବା ୪୦ ବର୍ଷରୁ ଉର୍ଦ୍ଧ ସର୍ବ ପୁରାତନ କଲେଜରେ ପୁଣିଥରେ ଫଳାଫଳରେ ନିରାଶ କରିଛି। ଯୁକ୍ତ ଦୁଇରେ ଏହି ମାଧ୍ୟମିକ ବିଦ୍ୟାଳୟ ବର୍ତମାନ ନିରାଶ ଜନକ ଫଳାଫଳ ନେଇ ଅଞ୍ଚଳବାସୀଙ୍କୁ ନିରାଶ କରିଛି। କଳା ବିଭାଗରେ ଏହି ଉଚ୍ଚ ମାଧ୍ୟମିକ ବିଦ୍ୟାଳୟରେ ମୋଟ ରେଗୁଲାରରେ ୨୩୦ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ୧୧୮ଜଣ ଫେଲ ହୋଇଛନ୍ତି। ଅର୍ଥାତ ଅଧାରୁ ଅଧିକ ଫେଲ। ଫେଲ ଛାତ୍ରଛାତ୍ରୀଙ୍କ ମଧ୍ୟରେ ସର୍ବନିମ୍ନ ମୋଟ ମର୍କ ୧୦ରହିଛି, ସେହିପରି ସର୍ବନିମ୍ନ ମୋଟ ମର୍କ ୧୦୦ରୁ କମ ରଖିଥିବା ବିଦ୍ୟାର୍ଥୀ ମାନଙ୍କ ମଧ୍ୟରେ ୬୦ଜଣ ରହିଥିବା ବେଳେ ସର୍ବନିମ୍ନ ମୋଟ ମାର୍କ ୫୦ରୁ କମ ମଧ୍ୟରେ ୯ଜଣ ବିଦ୍ୟାର୍ଥୀ ରହିଛନ୍ତି। ଏମାନଙ୍କ ମଧ୍ୟରୁ ସର୍ବନିମ୍ନ ମୋଟ ମାର୍କ ମାତ୍ର ୧୦ରହିଛି। ଏହି ବିଭାଗରେ ୧୦୯ଜଣ ପାସ ହୋଇଥିବା ବେଳେ ସେଥି ମଧ୍ୟରେ ପ୍ରଥମ ଶ୍ରେଣୀରେ ୨୮ଜଣ ଦ୍ଵିତୀୟ ଶ୍ରେଣୀରେ ୧୮ ଓ ତୃତୀୟ ଶ୍ରେଣୀରେ ୬୩ ଜଣ ରହିଛନ୍ତି। ଆଉ ୩ ଜଣ ବିଦ୍ୟାର୍ଥୀ ଅନୁପସ୍ଥିତି ରହିଥିଲେ। ଏକ୍ସ ରେଗୁଲାର ମଧ୍ୟ ରେ କଳା ବିଭାଗ ରେ ମୋଟ ୩୨ ଜଣ ପରୀକ୍ଷା ଦେଇଥିବା ବେଳେ ୧୭ ଜଣ ପାସ ହୋଇଛନ୍ତି ଏବଂ ୧୪ ଜଣ ଫେଲ ହୋଇଛନ୍ତି ଆଉ ଜଜଣେ ଛାତ୍ର ଅନୁପସ୍ଥିତ ରହିଛନ୍ତି। ଏହି ଉଚ୍ଚ ମାଧ୍ୟମିକ ବିଦ୍ୟାଳୟ ରେ ବିଜ୍ଞାନ ବିଭାଗ ରେ ମୋଟ ୭୦ ଜଣ ପରୀକ୍ଷା ଦେଇଥିବା ବେଳେ ଏଥିରୁ ୪୧ ପାସ ଏବଂ ୨୮ ଫେଲ ହୋଇଛନ୍ତି । ପାସ ମାନଙ୍କ ମଧ୍ୟ ରେ ପ୍ରଥମ ଶ୍ରେଣୀ ରେ ୧୦ ଦ୍ଵିତୀୟ ଶ୍ରେଣୀ ରେ ୧୬ ଏବଂ ତ୍ରିତୀୟ ଶ୍ରେଣୀରେ ୧୫ଜଣ ରହିଛନ୍ତି। ଏହି ବିଭାଗରେ ସର୍ବନିମ୍ନରେ ମୋଟ ମାର୍କ ୧୧୯ ରହିଛି। ସର୍ବୋଚ୍ଚ ମର୍କ ୪୨୯ରହିଛି। ବିଜ୍ଞାନ ବିଭାଗ ଏକ୍ସ ରେଗୁଲାର ବିଦ୍ୟାର୍ଥୀ ମାନଙ୍କ ମଧ୍ୟରେ ମୋଟ ୨୦ଜଣ ବିଦ୍ୟାର୍ଥୀ ପରୀକ୍ଷା ଦେଇଥିବା ବେଳେ ଏଠିରୁ ମାତ୍ର ୪ଜଣ ପାସ ହୋଇଛନ୍ତି ଏମାନଙ୍କ ମଧ୍ୟରେ ୩ଜଣ ତୃତୀୟ ଶ୍ରେଣୀରେ ଏବଂ ଜଣେ ପ୍ରଥମ ଶ୍ରେଣୀରେ ପାସ ହୋଇଛନ୍ତି। ଯେଉଁଥିରେ ସର୍ବୋଚ୍ଚ ୩୬୬ ମାର୍କ ରହିଛି। ବିଜ୍ଞାନ ବିଭାଗ ଫଳାଫଳ ଗତ ବର୍ଷ ଅପେକ୍ଷା ଭଲ ରହିଛି। ଏହି ଉଚ୍ଚ ମାଧ୍ୟମିକ ବିଦ୍ୟାଳୟ ରେ ଗତ ବର୍ଷ ୩୨ ଜଣ ବିଦ୍ୟାର୍ଥୀ ପରୀକ୍ଷା ଦେଇଥିବା ବେଳେ ମୋଟ ୯ ଜଣ ପାସ ହୋଇଥିଲେ। ସବୁଠାରୁ ଚିନ୍ତା ର ବିଷୟ ହେଲା ସୋରଡା ରେ ଋଷିକୁଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟ ରେ କଳା ବିଭାଗ ର ଏହିଅପରି ନୈରାଶ ଜନକ ରେଜଲ୍ଟ ଏହାକାର ଆଞ୍ଚଳ ବାସୀ ଙ୍କୁ ବ୍ୟଥିତ କରିଛି। ଏଠାକାର ସବୁ ଶିକ୍ଷକ ଅନୁଭବି ହୋଇଥିବା ବେଳେ ମଧ୍ୟ ଏହିପରି ନୈରାଶ ଜନକ ଫଳାଫଳ ବିଦ୍ୟାର୍ଥୀ ଙ୍କ ଭବିଷ୍ୟତ କୁ ଅନ୍ଧାର ରେ ଠେଲି ଦେଇଛି। କିଛି ନହେଲେ ନିଜ ଦସ୍ତଖତ ଜାଣିଥିବା ବିଦ୍ୟାର୍ଥୀ ମଧ୍ୟ କିଛି ଅଧିକ ମର୍କ ରଖିପାରେ କିନ୍ତୁ ସର୍ବନିମ୍ନ ମୋଟ ମାର୍କ ୧୦ ଆଉ କିଏ ସର୍ବ ନିମ୍ନ ମୋଟ ମାର୍ଜ ୧୦ ରଖିଛି। ଏହି ପରି ଅତ୍ୟନ୍ତ ଜରାଜୀର୍ଣ୍ଣ ଫଳାଫଳ ରେ କେତେଦୂର ଏଠାକାର ବିଦ୍ୟାର୍ଥୀ ମାନଙ୍କ ଭବିଷ୍ୟତ ଗଢି ହବ ତାହା ଚିନ୍ତା ଜନକ। ଏଥିପ୍ରତି ଉଚ୍ଚ ଶିକ୍ଷା କତୃପକ୍ଷ ଓ ଆଞ୍ଚଳିକ ଶିକ୍ଷା ନିର୍ଦେଶକ ଏକ ସ୍ଵତନ୍ତ୍ର ଟିମ ଗଠନ କରି ଏହାର ତଦନ୍ତ କରି ଆବଶ୍ୟକ ପଦକ୍ଷେପ ନେବାର ଆବଶ୍ୟକତା ରହିଥିବା ଏଠାକାର ଶିକ୍ଷାବିତ ମାନେ ମତ ଦେଇଛନ୍ତି।