କଳାହାଣ୍ଡି ବିଶ୍ୱବବିଦ୍ୟାଳୟ କାର୍ଯ୍ୟ ତ୍ୱରାନ୍ୱିତ ପାଇଁ ଗୃହ ରାଷ୍ଟ୍ର ମନ୍ତ୍ରୀଙ୍କୁ ସ୍ମାରକପତ୍ର
କଳାହାଣ୍ଡି, (ୱାଇଏନ୍ଏସ୍): ଆଜି ବିଜୁ ଯୁବ ଓ ଛାତ୍ର ଜନତା ଦଳ ତରଫରୁ ମାନ୍ୟବର ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ଓ ଉଚ୍ଚ ଶିକ୍ଷା ସଚିବ ଶାଶ୍ୱତ ମିଶ୍ରଙ୍କୁ କଳାହାଣ୍ଡି ବିଶ୍ୱବବିଦ୍ୟାଳୟର କାର୍ଯ୍ୟ ତ୍ୱରାନ୍ୱିତ କରିବା ସହ କୂଳପତି ନିଯୁକ୍ତି ପାଇଁ ସ୍ମାରକପତ୍ର ଦିଆ ଯାଇଛି । ୨୦୨୦-୨୧ ଶିକ୍ଷା ବର୍ଷ ରୁ କଳାହାଣ୍ଡି ବିଶ୍ୱବବିଦ୍ୟାଳୟରେ ନାମଲେଖା ହେବ ବୋଲି ସରକାର ପୂର୍ବରୁ ବିଜ୍ଞପ୍ତି ପ୍ରକାଶ କରିଛନ୍ତି । ରାଜ୍ୟରେ କରୋନା ପାଇଁ ଏପର୍ଯ୍ୟନ୍ତ ଆଖି ଦୃଶିଆ ପଦକ୍ଷେପ ନିଆଯାଇ ପାରିନଥିବା ସ୍ଥଳେ କୂଳପତି ଓ ଅନ୍ୟାନ୍ୟ ପଦବୀ ନିଯୁକ୍ତି ପ୍ରକ୍ରିୟା ବିଳମ୍ବ ହେଲାଣି । ଆଜି ଉଚ୍ଚ ଶିକ୍ଷା ସଚିବ କୋଭିଡ ସମିକ୍ଷା ପାଇଁ କଳାହାଣ୍ଡି ଗସ୍ତରେ ଥିବା ବେଳେ ଜିଲ୍ଲା ଯୁବ ଓ ଛାତ୍ର ବିଜେଡି ତରଫରୁ ସାକ୍ଷାତ କରି କଳାହାଣ୍ଡି ବିଶ୍ବବିଦ୍ୟାଳୟ ଚଳିତ ବର୍ଷ ରୁ ଆରମ୍ଭ ପାଇଁ ସ୍ମାରକ ପତ୍ର ଦିଆଯାଇଛି । ଉଚ୍ଚ ଶିକ୍ଷା ସଚିବ କରୋନା ପାଇଁ ବିଳମ୍ଵିତ ହୋଇଥିବା କଥା ସ୍ବୀକାର କରିବା ସହ ଖୁବ ଶିଘ୍ର ପ୍ରକ୍ରିୟା ଆରମ୍ଭ ହେବ ବୋଲି ପ୍ରତିଶ୍ରୁତି ଦେଇଛନ୍ତି । ସହିଭଳି ଗୃହ ରାଷ୍ଟ୍ର ମନ୍ତ୍ରୀ ନେଜେ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରାଯିବ ବୋଲି କହିଛନ୍ତି । ଏହି କାର୍ଯ୍ୟକ୍ରମ ରେ ଜିଲ୍ଲା ଯୁବ ସଭାପତି ଶ୍ରୀ ଆଦିତ୍ୟ ନନ୍ଦ, ଜିଲ୍ଲା ଛାତ୍ର ବିଜେଡି ସଭାପତି ଶ୍ରୀ ଅବିନାଶ ଠାକୁର, ଯୁବ ଉପସଭାପତି ମନିନ୍ଦ୍ର ମହାନ୍ତି, ଚିନ୍ମୟ ମିଶ୍ର, ଅଭିଷେକ ମହାପାତ୍ର, ଅମିତ ଯାଦବ, ଜିତେନ୍ଦ୍ର ବେହେରା, ନରୋତ୍ତମ ଭାଟି ପ୍ରମୁଖ ଉପସ୍ଥିତ ଥିଲେ ।
