ଗୋଳନ୍ଥରା ଥାନା ପରିସରରେ ରକ୍ତଦାନ ଶିବିର ଅନୁଷ୍ଠିତ

ଗୋପାଳପୁର,(ରାଜେଶ କୁମାର ପଟ୍ଟନାୟକ): ଗୋଳନ୍ଥରା ଥାନା ପରିସରରେ ଆଜି ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ସଦର ଏସଡ଼ିପିଓ ଜୟନ୍ତ କୁମାର ମହାପାତ୍ର ଯୋଗ ଦେଇ କାର୍ଯ୍ୟକ୍ରମକୁ ଉଦଘାଟନ କରିଥିବା ବେଳେ ଗୋଳନ୍ଥରା ଥାନା ଅଧିକାରୀ ବାବୁଲି ନାଇକ କାର୍ଯ୍ୟକ୍ରମ ପରିଚାଳନା କରିଥିଲେ, ଅନ୍ୟତମ ଅତିଥି ରୂପେ ସୁନପୁର ମେରାଇନ୍ ଥାନାଧିକାରୀ ଗୌରାଙ୍ଗ ଚରଣ ସାହୁ, ହଳଦିଆପଦର ସରପଞ୍ଚ ରାଜଶ୍ରୀ ଦୋରା ଯୋଗଦେଇ ରକ୍ତଦାତାଙ୍କୁ ଉଚ୍ଛାହିତ କରିଥିଲେ I ପୋଲିସ ପ୍ରଶାସନ ସମେତ ଜନପ୍ରତିନିଧିଙ୍କ ମିଳିତ ଆନୁକୂଲ୍ୟରେ ୩୨ ୟୁନିଟ ରକ୍ତ ସଂଗୃହିତ ହୋଇଥିଲା ।, ଆଇଆଇସି ବାବୁଲି ନାଇକ ନିଜେ ରକ୍ତଦାନ କରି ଥିବା ବେଳେ ଗୋଳନ୍ଥରା ଥାନାର କାର୍ଯ୍ୟରତ ପୋଲିସ, ରଣ୍ଢା ହରେକୃଷ୍ଣ ଅଟୋ ଚାଳକ ସଂଘର ସଦସ୍ୟ ଦିଲ୍ଲି ରେଡ୍ଡୀ, ସହଦେଵ ନାୟକ, କୃଷ୍ଣ ଚୌଧୁରୀଙ୍କ ସମେତ ବହୁ ଜନପ୍ରତିନିଧି ସ୍ବେଚ୍ଛାସେବୀ ସାମିଲ ରହି ସ୍ବେଛାକୃତ ରକ୍ତଦାନ କରିଥିଲେ । ଅନ୍ୟ ମାନଙ୍କ ମଧ୍ୟରେ ଗୋଳନ୍ଥରା ଥାନାର ଏସ୍ଆଇ ସ୍ମିତା ଜେନା,ଏସଆଇ ଦୁର୍ଗା ମାଧବ ସାହୁ ଏସଆଇ ଜ୍ୟୋତିରଞ୍ଜନ ବେହେରା, ଏଏସଆଇ ଗୋବିନ୍ଦ ମଲ୍ଲିକ, ଏଏସଆଇ ଏସକେ ବେହେରା, ଏଏସଆଇ ପିସି ଦାସ ,ହାବିଲଦାର ବିଶ୍ୱରଞ୍ଜନ ଦାସଙ୍କ ସମେତ ଥାନାର ପୋଲିସ କର୍ମଚାରୀ ଏବଂ ଗୃହରକ୍ଷୀ ମାନେ ଉପସ୍ଥିତ ରହି ସହଯୋଗ କରିଥିଲେ Iଏହିକାର୍ଯ୍ୟକ୍ରମକୁ ବ୍ରହ୍ମପୁର ରକ୍ତ ଭଣ୍ଡାରର ବସନ୍ତ ବେହେରା, ଲିଟୁ ପଟ୍ଟନାୟକଙ୍କ ସମେତ ଅନ୍ୟାନ୍ୟ କର୍ମଚାରୀ ସହଯୋଗ କରିଥିଲେ ।