ଦିଲ୍ଲୀ ପ୍ରେସ୍ କ୍ଲବ୍ ସଦସ୍ୟ ହେବେ ମମତା
ନୂଆଦିଲ୍ଲୀ : ଦେଶର ପ୍ରଧାନମନ୍ତ୍ରୀ ହେବାକୁ ପ୍ରୟାସ ଚଳାଇଥିବା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୁରୁବାର ଦିଲ୍ଲୀ ପ୍ରେସ୍ କ୍ଲବ୍ର ସଦସ୍ୟ ହେବା ପାଇଁ ଆବେଦନ କରିଛନ୍ତି। କଲକାତାରୁ ପ୍ରକାଶିତ ତୃଣମୂଳ କଂଗ୍ରେସର ମୁଖପତ୍ର ‘ଜାଗୋ ବାଂଲା’ର ସମ୍ପାଦିକା ଭାବେ ସେ କଲକାତା ପ୍ରେସ୍ କ୍ଳବ୍ର ସଦସ୍ୟା ଅଛନ୍ତି। ଏହି ଆଧାରରେ ସେ ଦିଲ୍ଲୀ ପ୍ରେସ୍ କ୍ଲବ୍ ସଦସ୍ୟ ପଦ ପାଇଁ ଆବେଦନ କରିଛନ୍ତି। ଏବେ ଜାତୀୟ ରାଜନୀତିରେ ପ୍ରମୁଖ ଭୂମିକା ଗ୍ରହଣ କରିବାକୁ ପାଗ ବାନ୍ଧିଥିବା ମମତା ଜାତୀୟ ଗଣମାଧ୍ୟମଗୁଡ଼ିକ ସହିତ ସମ୍ପର୍କ ବୃଦ୍ଧି କରିବା ଲକ୍ଷ୍ୟରେ ଦିଲ୍ଲୀ ପ୍ରେସ୍ କ୍ଲବ୍ର ସଦସ୍ୟା ହେବାକୁ ଚାହୁଁଥିବା ପ୍ରକାଶ। ଏହି ପରିପ୍ରେକ୍ଷୀରେ ଚଳିତ ମାସ ଶେଷରେ ନିଜର ଏକ ପୁସ୍ତକ ଦିଲ୍ଲୀ ପ୍ରେସ୍ କ୍ଲବ୍ରେ ଉନ୍ମୋଚନ କରିବା କାର୍ଯ୍ୟକ୍ରମ ରଖିଛନ୍ତି।
