ହାଟଡିହି ହାଇସ୍କୁଲର ୬୫ତମ ବାର୍ଷିକ ଉତ୍ସବ ଓ ପୁରସ୍କାର ବିତରଣ ଉତ୍ସବ
ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି ସରକାରୀ ହାଇସ୍କୁଲର ୬୫ତମ ବାର୍ଷିକ ଉତ୍ସବ ଓ ପୁରସ୍କାର ବିତରଣୀ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷକ ଶିଶିର କୁମାର କରଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବେ ଆନନ୍ଦପୁର ବିଧାୟକ ଭାଗିରଥି ସେଠୀ, ସ୍ୱତନ୍ତ୍ର ଅତିଥି ଭାବେ ଡ. ଗଣେଶ୍ୱର ଜେନା (ଆଇଏଏସ), ବିଶିଷ୍ଟ ଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ପୁର୍ଣ୍ଣଚନ୍ଦ୍ର ସେଠୀ, ମୁଖ୍ୟ ବକ୍ତା ଭାବେ ବନ୍ତ କଲେଜର ପ୍ରାକ୍ତନ ଅଧ୍ୟକ୍ଷ ଡ. ଶୁଭେନ୍ଦ୍ର କୁମାର ମିଶ୍ର, ସମ୍ମାନୀତ ଅତିଥି ଭାବେ ହାଟଡିହି ବ୍ଲକର ବିଡିଓ ବିନିତା ବିଜୟିନୀ, ମୋ ସ୍କୁଲ ଅଭିଯାନର ସଭାପତି ତଥା ପୁର୍ବତନ ବିଧାୟକ ମାୟାଧର ଜେନା, ହାଟଡିହି ସରପଞ୍ଚ ଚିନ୍ମୟ କୁମାର ନାୟକ, ମୋ ସ୍କୁଲ ଅଭିଯାନର ସମ୍ପାଦକ ନିତ୍ୟାନନ୍ଦ ପହି, ପୁର୍ବତନ ଶିକ୍ଷକ କେଶବ ଚନ୍ଦ୍ର ସାହୁ ପ୍ରମୁଖ ଯୋଗଦେଇ ସୁନାର ଦ୍ୱୀପ ହେଲେବି ତେଲ ନଥିଲେ ଯେପରି ତାହା ଜଳେ ନାହିଁ ସେହିପରି ଯେତେ ବିଦ୍ୱାନ କି ବଡ ମଣିଷ ହେଲେ ମଧ୍ୟ ଯଦି ଶୃଙ୍ଖଳା ନଥିବ ସେ ମଣିଷ ମଣିଷ ଭାବେ ଗଣାଯାଏ ନାହିଁ ବୋଲି ମତବ୍ୟକ୍ତ କରିଥିଲେ । ସେହିପରି ଛାତ୍ରଛାତ୍ରୀମାନେ ବର୍ତ୍ତମାନ ସମୟରେ ବହି ପଢ଼ିବା ଉପରେ ଗୁରୁତ୍ୱ ଦେବା ସହିତ ନିଜର ଜନ୍ମଭୂମୀ, ନିଜର ମାତୃଭାଷା ଓ ନିଜର ପିତାମାତାଙ୍କୁ ଭଲ ପାଇବାକୁ ପରାମର୍ଶ ଦେଇଥିଲେ । ପ୍ରାରମ୍ଭରେ ଛାତ୍ରଛାତ୍ରୀଙ୍କ ପକ୍ଷରୁ ସ୍ୱାଗତ ସଂଗୀତ ଗାନ କରାଯିବା ସହିତ ଅତିଥିମାନେ ପ୍ରଦ୍ୱୀପ ପ୍ରଜ୍ଜଳନ କରି ଏହାକୁ ଉଦଘାଟନ କରିଥିଲେ । ଏହି ଅବସରରେ ବାର୍ଷିକ କ୍ରୀଡାରେ କୃତ୍ତିତ୍ୱ ହାସଲ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା । ଶେଷରେ ଛାତ୍ରଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଶିକ୍ଷକ ପରମାନନ୍ଦ ପରିଡା, ପ୍ରମୋଦ କୁମାର ବେହେରା, ମାନସ କୁମାର ନାୟକ, ଜ୍ୟୋତି ପ୍ରକାଶ ବେହେରା, ସରୋଜ କୁମାର ବେହେରା, ମାନସୀ ସାହୁ, ଲୀଳାବତୀ ଜେନା, ତୃପ୍ତୀମୟୀ ଜେନା, ଅନିତା ବେହେରା, ନିବେଦୀତା ସିଂ ପ୍ରମୁଖ ଶିକ୍ଷକ ଶିକ୍ଷୟତ୍ରୀ ମାନେ କାର୍ଯ୍ୟକ୍ରମ ପରିଚାଳନା କରିଥିଲେ । ଏଥିରେ ଅନେକ ପୁରାତନ ଛାତ୍ର, ଅଭିଭାବକ ଓ ବିଦ୍ୟାଳୟ ପରିଚାଳନା କମିଟିର ସଭ୍ୟସଭ୍ୟା ମାନେ ଯୋଗଦେଇଥିଲେ ।


