ଦେବୀ ନଦୀରେ ଶୌଚ ହେବାକୁ ଯାଇ ଯୁବକ ନିଖୋଜ

ନିମାପଡ଼ା,(ସନ୍ତୋଷ ଦାଶ):ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ଅନ୍ତର୍ଗତ ତାଳଦା ପଂଚାୟତ ଏଡ଼ବାଂଶ ଗ୍ରାମ ନିକଟରେ ଦେବୀ ନଦୀ ପ୍ରଭାବିତ ହେଉଥିବାବେଳେ ଏଡ଼ବାଂଶ ଗ୍ରାମର ଆଶିଷ ସେନାପତି ସନ୍ଧ୍ୟା ସମୟରେ ଶୌଚ ହେବାକୁ ଯାଇଥିବା ବେଳେ ଜଳସ୍ତର ବୃଦ୍ଧି ଯୋଗୁଁ ନଦୀମଧ୍ୟରେ ନିଖୋଜ ହୋଇ ଯାଇଛନ୍ତି। ଘଟଣା ସ୍ଥଳରୁ ଘର ଲୋକ ତାଙ୍କ ଚପଲ ଓ ଗାମୁଛା ଦେଖି ଏ ବିଷୟ ରେ ଜାଣିବାକୁ ପାଇଥିଲେ। ପରିବାର ପକ୍ଷରୁ ଏ ସମ୍ପର୍କରେ ଖବର ଦିଆଯିବା ପରେ ଅସ୍ତରଙ୍ଗ ଅଗ୍ନିଶମ ବାହିନୀର ୭ଜଣ ଓ ସ୍ଥାନୀୟ ଅଞ୍ଚଳବାସୀ ମିଳିତ ଭାବେ ଦେବୀ ନଦୀ ଜଳରେ ତାଙ୍କୁ ଖୋଜାଖୋଜି କରିଥିଲେ ବି ତାଙ୍କ ପତ୍ତା ମିଳିପାରି ନାହିଁ। ଦେବୀ ନଦୀରେ ଜଳ ସ୍ତର ବୃଦ୍ଧି ଯୋଗୁଁ ଜଳ ଭିତରେ ଅଣ୍ଡର କରେଣ୍ଟ ଥିବାରୁ ଅଗ୍ନିଶମ ବାହିନୀକୁ ଖୋଜିବାକୁ କଷ୍ଟ ହେଉଛି।