ଧରାପୃଷ୍ଟର ଆଗମନରେ ମା ଧନଦାତ୍ରୀ

ପୁରୀ,(ୱାଏନଏସ):ମହାଲକ୍ଷ୍ମୀ ପୂଜା ଅବସରରେ କୋଣାର୍କ ଲକ୍ଷ୍ମୀ ପୂଜା କମିଟି ପକ୍ଷରୁ ସ୍ଥାନୀୟ ନିୟୁ ମାର୍କେଟ କମ୍ପ୍ଲେକ୍ସ ପରିସରରେ ମା ଲକ୍ଷ୍ମୀଙ୍କ ମୃଣ୍ମୟୀ ମୂର୍ତ୍ତି ପ୍ରତିଷ୍ଠା କରାଯାଇ ପୂଜାର୍ଚ୍ଚନା ଆରମ୍ଭ ହୋଇଛି। ଆସନ୍ତା ୫ଦିନ ପର୍ଯ୍ୟନ୍ତ ଯଥାରୀତି ପୂଜା ଚାଲିବ। ଶ୍ରଦ୍ଧାଳୁଙ୍କ ନିମନ୍ତେ ଦୈନିକ ପ୍ରସାଦ ସେବନର ବ୍ୟବସ୍ଥା ହୋଇଥିବା ଆୟୋଜକ ଅନୁଷ୍ଠାନ ପକ୍ଷରୁ ପ୍ରକାଶ କରାଯାଇଛି। ଆସନ୍ତା ୨୧ତାରିଖରେ ମାଙ୍କ ଭସାଣି ଉତ୍ସବ ଧୂମଧାମରେ ଆୟୋଜିତ ହେବ ବୋଲି କମିଟିର କର୍ମକର୍ତ୍ତା କହିଅଛନ୍ତି। ଲକ୍ଷ୍ମୀପୂଜା କମିଟିର ସଭାପତି ସୁରେନ୍ଦ୍ର ସାହୁ, ଉପସଭାପତି ଗଣେଷ ଜେନା, ସମ୍ପାଦକ ମନୋଜ ସେଠ, କୋଷାଧ୍ୟକ୍ଷ ସ୍ବାଧିନ ନାୟକ, ବିଶ୍ୱାସଦେବ ମହାପାତ୍ରଓ ସମସ୍ତ କର୍ମକର୍ତା ପରିଚାଳନାରେ ସହଯୋଗ କରୁଛନ୍ତି। ସେହିପରି ଜୁଣେଇଁ ବଜାରରେ ମା ‘ଙ୍କରଗୋରଡି ଯୁବକ ସଂଘ ଓ ବନାଖଣ୍ଡ ଛକରେ ମା ଧନଦାତ୍ରୀଙ୍କ ପୂଜା ଧୁମଧାମରେ ପାଳିତ ହୋଇଯାଇଅଛି।