ଷ୍ଟେସନରୁ ଗଞ୍ଜେଇ ସହ ମହିଳା ଗିରଫ

ଜଟଣୀ,(ୱା ଏନ ଏସ): ଜଟଣୀ ଖୋର୍ଦ୍ଧାରୋଡ ରେଳ ଷ୍ଟେସନରୁ ଜଣେ ମହିଳାଙ୍କ ଠାରୁ ଖୋର୍ଦ୍ଧାରୋଡ ଆଇପିଏଫ୧୮ କିଲୋ ୯୩୦ଗ୍ରାମର ଗଞ୍ଜେଇ ଭର୍ତ୍ତି ବ୍ୟାଗ ଜବତ କରିବା ସହ ମହିଳାଙ୍କୁ ଗିରଫ କରିଛି ଜଟଣୀ ପୁଲିସ। ଗରଫ ମହିଳା ଜଣଙ୍କ ହେଲେ ଯାଜପୁର ଥାନା ଅଧୀନ ଜରି ଗ୍ରାମର ସୁକାନ୍ତି ମାମଲ ।ସୂଚନା ଅନୁଯାୟୀ ସୋମବାର ରାତି ୧୦ଟା ୨୦ ସମୟରେ ସୁକାନ୍ତି ଏକ ବ୍ୟାଗ ନେଇ ଖୋର୍ଦ୍ଧା ରୋଡ ଷ୍ଟେସନ ଭିତରକୁ ଯିବା ସମୟରେ ପ୍ଲାଟଫର୍ମରେ ରହିଥିବା ଲଗେଜ ସ୍କାନରରେ ସେ ବ୍ୟାଗ ସ୍କାନ ନ କରି ପ୍ଲାଟଫର୍ମ ଭିତରକୁ ପ୍ରବେଶ କରୁଥିବା ସମୟରେ, ସେଠାରେ ଉପସ୍ଥିତ ଥିବା ଆଇପିଏଫ କର୍ମଚାରୀ ସୁକାନ୍ତିଙ୍କ ଉପରେ ସନ୍ଦେହ କରି ବ୍ୟାଗ ଚେକିଂ କରିବା ସମୟରେ ଗଞ୍ଜାଇ ଚାଲାଣ ହେଉଥିବାର ଜାଣିବାକୁ ପାଇଥିଲେ ।ପରେ ସୁକାନ୍ତିଙ୍କୁ ଅଟକ ରଖି ତଦନ୍ତ କରିବା ସମୟରେ ସେ ବାହାର ରାଜ୍ୟକୁ ଚାଲାଣ କରିବା ପାଇଁ ଯୋଜନା କରିଥିବାର କହିଥିଲେ। ଜବତ ଗଞ୍ଜେଇର ଆନୁମାନିକ ମୂଲ୍ୟ ୧,୯୬,୫୦୦ ହେବ ବୋଲି ଆରପିଏଫ ଅଧିକାରୀ କହିଛନ୍ତି।