ଜିଲ୍ଲା ସ୍ତରୀୟ ପ୍ରବନ୍ଧ ପ୍ରତିଯୋଗିତାରେ ଭାଗ୍ୟଶ୍ରୀ ଜେନା ପ୍ରଥମ

ହାଟଡିହି, (ବିକାଶ ବିଶ୍ୱାଳ):ଅନ୍ତର୍ଜାତୀୟ ବାଳିକା ଶିଶୁ ଦିବସ ଅବସରରେ ସମଗ୍ର ଶିକ୍ଷା କେନ୍ଦୁଝର ଦ୍ୱାରା ଆୟୋଜିତ ଜିଲ୍ଲା ସ୍ତରୀୟ ପ୍ରବନ୍ଧ ପ୍ରତିଯୋଗିତାରେ ପଢିଆରିପଲ୍ଲୀ ପଞ୍ଚାୟତ ଉଚ୍ଚ ବିଦ୍ୟାଳୟ ର ୧୦ମ ଶ୍ରେଣୀର ଛାତ୍ରୀ ଭାଗ୍ୟଶ୍ରୀ ଜେନା ପ୍ରଥମ ସ୍ଥାନ ଅଧିକାର କରିଛନ୍ତି l ମୁଖ୍ୟ ଅତିଥି ଭାବେ ବ୍ଳକ ଶିକ୍ଷା ଅଧିକାରୀ ତୃପ୍ତୀମୟୀ ପାତ୍ର ତାଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରିଛନ୍ତି। ସେ ହାଟଡିହି ଠାରେ ଅନୁଷ୍ଠିତ ବ୍ଲକ୍ ସ୍ତରୀୟ ପ୍ରତିଯୋଗିତାରେ ମଧ୍ୟ ସଫଳତା ଅର୍ଜନ କରିଥିଲେ। ତାଙ୍କର ଏପରି ସଫଳତାରେ ବାପା ଶଶୀକାନ୍ତ ଜେନା ଓ ମାତା ଶ୍ରୀମତୀ ସୁନିତା ଦତ୍ତ ବେଶ ଖୁସି ବ୍ୟକ୍ତ କରିବା ସହିତ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଭାଗ୍ୟଶ୍ରୀଙ୍କୁ ଭୁୟସୀ ପ୍ରଶଂସା କରିଛନ୍ତି l ବିଦ୍ୟାଳୟ ର ପ୍ରଧାନ ଶିକ୍ଷକ ଲଷ୍ମୀଧର ନାୟକ ଭାଗ୍ୟଶ୍ରୀ ଙ୍କର ଏଭଳି କୃତିତ୍ୱରେ ବେଶ ଖୁସି ପ୍ରକାଶ କରି ତାଙ୍କର ଉଜ୍ୱଳ ଭବିଷ୍ୟତ କାମନା କରିଛନ୍ତି l