ନିଳୋକରେ ଠାକୁର ଅନୁକୂଳ ଚନ୍ଦ୍ରଙ୍କ ବାର୍ଷିକ ସତ୍ସଙ୍ଗ
ବନ୍ତ, (ଚାନ୍ଦିନୀ ମହାନ୍ତି):ବନ୍ତ ବ୍ଲକ ନିଳୋକସ୍ଥିତ ଉପେନ୍ଦ୍ରନାଥ ମିଶ୍ରଙ୍କ ବାସଭବନରେ ପରମ ପ୍ରେମମୟ ଶ୍ରୀ ଶ୍ରୀ ଠାକୁର ଅନୁକୂଳ ଚନ୍ଦ୍ରଙ୍କ ବାର୍ଷିକ ସତ୍ସଙ୍ଗ ଅନୁଷ୍ଠିତ ହୋଇଯାଇଛି । ସହପ୍ରତି ଋତ୍ୱିକ ଧରଣୀଧର ସ୍ୱାଇଁଙ୍କ ଅଧ୍ୟକ୍ଷତାରେ ଅନୁଷ୍ଠିତ ସତ୍ସଙ୍ଗରେ ଯାଜକକର୍ମୀ ଅବିନାଶ ଚନ୍ଦ୍ର ନାୟକ, ଅଧିକାରୀ ନାୟକ, ଉଦ୍ଗାତା ହାଡିବନ୍ଧୁ ବେହେରା ପ୍ରମୁଖ ଯୋଗ ଦେଇ ଠାକୁରଙ୍କ ଜୀବନାଦର୍ଶ ସମ୍ପର୍କରେ ଆଲୋଚନା କରିଥିଲେ । ନବୀନ କୁମାର ସାହୁ ନାରୀର ନୀତି ଓ ନରୋତ୍ତମ ଦାସ ସତ୍ୟାନୁସରଣ ପାଠ କରିଥିଲେ । ସଙ୍ଗୀତାଞ୍ଜଳୀ କାର୍ଯ୍ୟକ୍ରମରେ ପ୍ରଫୁଲ୍ଲ ସାହୁ, ନବୀନ ସାହୁ, କାଳନ୍ଦୀ ସାହୁଙ୍କ ସମେତ ଅନ୍ୟ ମାନେ ଭାଗ ନେଇଥିଲେ । ନାରାୟଣ ଚନ୍ଦ୍ର ରାଉତ କୀର୍ତ୍ତନ ପରିବେଷଣ କରିଥିଲେ । ଏହି ସତ୍ସଙ୍ଗରେ ନିଳୋକ, ସେଣ୍ଢତୀରା, ପଧାନପଡା, ବନ୍ତ ସମେତ ବିଭିନ୍ନ ପଞ୍ଚାୟତରୁ ଠାକୁରଙ୍କ ଅନୁଗାମୀ ମାନେ ଯୋଗ ଦେଇଥିଲେ ।
