“ସେଫର ଇଣ୍ଟର୍ନେଟ୍ ଡେ” ଉପଲକ୍ଷେ ସାଇବର ସୁରକ୍ଷା ସଜାଗତା କାର୍ଯ୍ୟକ୍ରମ

ରାୟଗଡ଼ା, (ଦୂର୍ଗା ପ୍ରସାଦ ପାଢ଼ୀ): “ଏକ ଉତ୍ତମ ଇଣ୍ଟର୍ନେଟ୍ ପାଇଁ ଏକସାଥି ଚେଷ୍ଟା” ଥିମ୍ ସହ ସେଫର ଇଣ୍ଟର୍ନେଟ୍ ଡେ ଉପଲକ୍ଷେ ରାୟଗଡ଼ା ଜିଲ୍ଲାରେ ସାଇବର ସୁରକ୍ଷା ଓ ଦାୟିତ୍ୱପୂର୍ଣ୍ଣ ଇଣ୍ଟର୍ନେଟ୍ ବ୍ୟବହାର ସମ୍ବନ୍ଧୀୟ ସଜାଗତା କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମଗୁଡ଼ିକୁ ଗୁଣଶେଖର ନେଥେତି, ଯୁଗ୍ମ ନିର୍ଦ୍ଦେଶକ ଏବଂ ନରେନ୍ଦ୍ର ସାସମଲ, ଜିଲ୍ଲା ସଂୟୋଜକ ରାୟଗଡ଼ା ନେତୃତ୍ୱ ଦେଇଥିଲେ।
ପ୍ରଭାତ କାର୍ଯ୍ୟକ୍ରମ ଅନ୍ତର୍ଗତ, ରାୟଗଡ଼ ଅଟୋନୋମସ୍ କଲେଜ୍ ର ଅଧ୍ୟାପକ ଏବଂ ଛାତ୍ରଛାତ୍ରୀଙ୍କ ପାଇଁ ବବିତା ସରାଫ, ପ୍ରିନସିପାଲ, ରାୟଗଡ଼ ଅଟୋନୋମସ୍ କଲେଜ୍ ଙ୍କ ଉପସ୍ଥିତିରେ ସଚେତନତା ସଭା ଅନୁଷ୍ଠିତ ହୋଇଥିଲା। ସେଠି ଇଣ୍ଟର୍ନେଟ୍ ର ଲାଭ ଏବଂ ଅସୁବିଧା, ସାଇବର ଥ୍ରେଟ୍ସ ଏବଂ ବିପଦ, ସାଧାରଣ ଅନଲାଇନ୍ ଠକେଇ, ଆର୍ଥିକ ଧୋକା, ମୋବାଇଲ୍ ଆପ୍ଲିକେସନ୍ ସୁରକ୍ଷା, ଏବଂ ସୁରକ୍ଷିତ ଇଣ୍ଟର୍ନେଟ୍ ବ୍ୟବହାର ପାଇଁ ଉପାୟ ବିଷୟରେ ଆଲୋଚନା ହୋଇଥିଲା।
ସନ୍ଧ୍ୟା ସମୟରେ, ନବୀନ ଚନ୍ଦ୍ର ନାଏକ, ଓଏଏସ (ଏସ ଏ ଜୀ), ଅତିରିକ୍ତ ଜିଲ୍ଲାପାଳ, ରାୟଗଡ଼ ଙ୍କ ଅଧ୍ୟକ୍ଷତାରେ ଜିଲ୍ଲାର ବିଭିନ୍ନ ବିଭାଗର କର୍ମଚାରୀଙ୍କ ପାଇଁ ଏକ ସମ୍ମିଳନୀ ଆୟୋଜିତ ହୋଇଥିଲା, ଯେଉଁଠି ସରକାରୀ କାର୍ଯ୍ୟକ୍ଷେତ୍ରରେ ସାଇବର ହାଇଜିନ୍ ଏବଂ ସୁରକ୍ଷିତ ଅନଲାଇନ୍ ପ୍ରକ୍ରିୟା ବିଷୟରେ ଚର୍ଚ୍ଚା କରାଗଲା। ପ୍ରାୟ ୧୭୦ ଅଂଶଗ୍ରାହୀ ଏହି କାର୍ଯ୍ୟକ୍ରମରେ ସକ୍ରିୟ ଭାବରେ ଅଂଶଗ୍ରହଣ କଲେ। ଗୁଣଶେଖର ନେଥେତି ଏହି ସଭାରେ ସାଇବର ହାଇଜିନ୍ ର ଗୁରୁତ୍ୱ ବ୍ୟାଖ୍ୟା କରି ନିଜକୁ ସୁରକ୍ଷିତ ରଖିବା ସହ ମିତ୍ର, ପରିବାର, ଏବଂ ସମାଜକୁ ମଧ୍ୟ ନିରାପଦ ଇଣ୍ଟର୍ନେଟ୍ ବ୍ୟବହାର ଉପରେ ସଚେତନ କରିବାକୁ ପରାମର୍ଶ ଦେଲେ।
ଏହି ପ୍ରୟାସଗୁଡ଼ିକ ସାଇବର ସୁରକ୍ଷା ଉପରେ ସଚେତନତା ବୃଦ୍ଧି କରି ଏକ ନିରାପଦ ଏବଂ ଦାୟିତ୍ୱପୂର୍ଣ୍ଣ ଡିଜିଟାଲ୍ ପରିବେଶ ଗଠନରେ ଅଗ୍ରସର ହେବାକୁ ଉଦ୍ଦିପିତ କରେ।