ଅନ୍ଧାର ଘର

ଅନ୍ଧାର ଘର ଘୋର ଅନ୍ଧାର

କଳା ମହିଷ ପରି ମାରଣା

ବିିଶ୍ବାସ କଲେ ବି ଭରଷା ପାଏନି

ମୁଁ ସେମିତି କାଳେ କାଳେ

ହୁଏ ବାଟବଣା ।

ବାହାରେ ସଫା ଜହ୍ନ ରାତି

ଚୁପ୍ ଚାପ୍ ତୁମ ପରି

ମୁଁ ଜାଣୁଛି ,ଶୁଣୁଛି ତୁମର ପାଦ ଶବ୍ଦ

ତୁମେ ଆସିଛ ଜହ୍ନ ରାତିରେ

ମୋ ଅନ୍ଧାର ଘର ପାଖକୁ

ଖୋଜି ଖୋଜି ଘୁରି ଘୁରି

ମୋ କାନ୍ଥ ସେପାଖେ ତୁମେ ।

କାହିଁକି ଖୋଜିବି ଏଠି ସେଠି

ତୁମେ ଯେ ମୋ ପାଖରେ

ଦୁଇଟି ଧାରରେ ଆମେ

ଗଙ୍ଗା ଯମୁନା ଧାରା ପରି

ମିଶି ବି ମିଶି ପାରେ ନା ।

ମୁଁ ଅନ୍ଧାରରେ ଖୋଜୁଛି ମୋତେ

ମୋ ଅସ୍ତିତ୍ତ୍ବକୁ ତୁମ ସହିତ

ମିଶାଇ ଦେବା ପାଇଁ

ହେଲେ ତୁମେ ତ ଜଳି ଚାଲିଛ

ଜହ୍ନ ରାତିର ବିଷ ଜ୍ବାଳାରେ ।

ମୁଁ ଅପ୍ରାପ୍ତିରୁ ପ୍ରାପ୍ତି ପର୍ଯ୍ଯନ୍ତ

ଏମିତି ଅନ୍ଧାର ଘରେ ପ୍ରତୀକ୍ଷାରେ

କାଳ କାଳ ତୀବ୍ର ଯନ୍ତ୍ରଣାରେ ।

 

ରାଜକିଶୋର ନାୟକ,

ତଳବଙ୍ଗାଳ, କୁଶୁବେଣ୍ଟି, ବ୍ରହ୍ମଗିରି, ପୁରୀ