ଚାଚେରୀ ବେଶ

ଆସ ଆସ ମୁଦିରସ୍ତ

ମେକାପ ସେବକ,

ଫଗୁଣ ଶୁକ୍ଳ ଦଶମୀ

ଫଗୁର ମହକ।

 

ମହାପ୍ରଭୁ ରସରାଜ

ରସିକେନ୍ଦ୍ର ମୌଳି,

ଚାଚେରୀ ବେଶ ହୋଇଲେ

ଭକ୍ତ ହେବେ ମେଳି ।

 

ଫଗୁ ଶୁକ୍ଳ ଦଶମୀରୁ

ଫଗୁଣ ପୂର୍ଣ୍ଣିମା,

ବସନ୍ତ ରାସ ରଚିବେ

କି ଦେବା ଉପମା ।

 

ଶ୍ରୀଅଙ୍ଗେ ଚନ୍ଦନ ଲେପ

ମାଧବାଳି ବସ୍ତ୍ର,

ଦେହେ ସୁବର୍ଣ୍ଣ କୁଣ୍ଡଳ

ତଡଗୀ ସ୍ବତନ୍ତ୍ର ।

 

ପୁଷ୍ପ ରେଣୁର ଅବିର

ସର୍ବାଙ୍ଗେ ବୋଳିବ,

ଝିମିରି ଫଗୁ ଖେଳରେ

ସର୍ବେ ହଜିଯିବ ।

 

ଦୋଳରେ ଦୋଳଗୋବିନ୍ଦ

ନଗ୍ରେ ବୁଲାଇବ

ଭୂଦେବୀ ଶ୍ରୀଦେବୀ ତାଙ୍କ

ସଙ୍ଗତରେ ନେବ ।

 

ଫଗୁଣରେ ଫଗୁ ଖେଳ

ଚାଚେରୀ ବେଶରେ

ଶ୍ରୀଅଙ୍ଗରେ ଲାଲ୍ ବସ୍ତ୍ର

ଆନନ୍ଦ ମର୍ତ୍ତ୍ୟରେ ।

 

ଗଦାଧର ସାହୁ,

ବ୍ରହ୍ମଗିରି,ପୁରୀ