ଗୋରୁ ଚୋରକୁ ଧରି ପୋଲିସ୍ ଜିମା ଦେଲେ ଗ୍ରାମବାସୀ

ହାଟଡିହି (ଓ୍ବାଇଏନଏସ): ବଞ୍ଚୋ ଗ୍ରାମରୁ ଗୋରୁ ଚୋରି କରି ନେଇଥିବା ଜଣେ ବ୍ୟକ୍ତିଙ୍କୁ ଧରି  ପୋଲିସ୍ ଜିମା ଦେଇଛନ୍ତି। ପଞ୍ଚାୟତର ସରପଞ୍ଚ ପ୍ରସାନ୍ତ ରାଉତଙ୍କ ଅଭିଯୋଗ ଅନୁଯାଇ ଗତକାଲି ଦିନରେ ଏକ ବଳଦ ଗାଁ ରେ ବୁଲୁଥିବା ବେଳେ ଆଜି ଦେଖିବାକୁ ପାଇ ନଥିଲେ। ମୋଚିନ୍ଦା ଗ୍ରାମର ଜଣେ ବ୍ୟକ୍ତି ଗତକାଲି ଗାଁ କୁ ଆସିଥିବା ବେଳେ ସେ ବଳଦ ଟିକୁ ନେଇଥାଇ ପାରେ ବୋଲି ସନ୍ଦେହ କରି ବିଭିନ୍ନ ଳୋକଙ୍କୁ ପଚାରିଥିଲେ। ମୋଚିନ୍ଦା ଗ୍ରାମର ନବିନା ସାହୁ ଗୋରୁକୁ ଉଠାଇ ନେଇଥିବା ସ୍ପଷ୍ଟ ହେବାପରେ ସରପଞ୍ଚ ଆନନ୍ଦପୁର ଥାନାକୁ ଜଣାଇଥିଲେ। ପୋଲିସ ସହଯୋଗରେ ନାବିନା ବଳଦ ଟିକୁ ଧରି ବଞ୍ଚୋ ଗ୍ରାମରେ ପହଞ୍ଚିବା ପରେ ବଳଦ ଟିର ଅଵସ୍ଥା ଦେଖି ଗ୍ରାମବାସୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା। ବାଳଦର ଶିଙ୍ଗ ଭାଙ୍ଗି ଯାଇଥିବା ବେଳେ ଦେହରେ ଅନେକ କ୍ଷତ ହୋଇ ରକ୍ତଶ୍ରାବ ହେଉଥିବା ଦେଖିବାକୁ ମିଳିଥିଲା। ସେ ବଳଦ ଟିକୁ ଚୋରୀ କରି ନେଇଥିବା ସ୍ବୀକାର କରିଛି। ପୁର୍ବରୁ ଅନେକ ଗୋରୁ ଗାଈ ଏପରି ନେଇଛି ବୋଲି ଗ୍ରାମବାସୀ ମାନେ ଅଭିଯୋଗ କରିଛନ୍ତି।