ଶୈଳପୁତ୍ରୀ ଉପାସନାରୁ ଆରମ୍ଭ ହେଲା ମାଙ୍କ ନବରାତ୍ରି ପୂଜା

କାକଟପୁର /ଅସ୍ତରଙ୍ଗ,(ଶୁଭାଶିଷ ଖଣ୍ଡୁଆଳ) : ଶକ୍ତିପୀଠ ରେ ଆରମ୍ଭ ହୋଇଛି ସୋମବାର ଠାରୁ ନବରାତ୍ର ପୂଜା।ଶକ୍ତିପୀଠ ତଥା ପୁରୀ ଜିଲ୍ଲା କାକଟପୁର ଅଧିତାଷ୍ଟି ଦେବୀ ମା ମଙ୍ଗଳା ଙ୍କ ପୀଠରେ ଷୋଡଶ ଉପଚାର ପୂଜା ଆରମ୍ଭ ହୋଇସାରିଥିବା ବେଳେ ସୋମବାର ଠାରୁ ଆରମ୍ଭ ହୋଇଛି ନବପତ୍ରିକା।ପାର୍ବଣରେ କାକଟପୁରର ଅଦିଷ୍ଟାତ୍ରୀ ଦେବୀ ପରମ ବୈଷ୍ଣବୀ ମା ମଙ୍ଗଳାଙ୍କ ପୀଠ ବେଶ ଉତ୍ସବ ମୁଖର ହୋଇପଡିଛି ।ନବରାତ୍ରୀ ଠାରୁ ମାଙ୍କ ନିକଟରେ ସ୍ବତନ୍ତ ପୂଜା ନୀତିକାନ୍ତି ହେଉଥିବା ବେଳେ ନଵଦିନାତ୍ମକ ପୂଜାର ପ୍ରଥମ ଦିନରେ ମା ମଙ୍ଗଳାଙ୍କ ଦର୍ଶନ ପାଇଁ ଏବେ ରାଜ୍ୟ ଓ ରାଜ୍ୟ ବାହାରୁ ଭକ୍ତଙ୍କ ଭିଡ ଜମିବାରେ ଲାଗିଛି । ମା ବିଳମ୍ବିତ ରାତ୍ର ରେ ନାଲିକଲି ବେଶରେ ଦର୍ଶନ ଦେବେ । ମୂଳାଷ୍ଟମୀଠାରୁ ଆରମ୍ଭ ହୋଇ ମହାଷ୍ଟମୀ ପର୍ଯ୍ୟନ୍ତ ଚାଲିବାକୁ ଥିବା ପାର୍ବଣ ପୂଜାରେ ମା ଙ୍କର ସ୍ଵତନ୍ତ୍ର ପୂଜାର୍ଚନା ରୀତି ନୀତିରେ ଚାଲିଛି । ମୂଳାଷ୍ଟମିରେ ମାଙ୍କ ବିଗ୍ରହକୁ ୧୦୮ ଜଳରେ ସ୍ନାନ କରାଇବା ପରେ ଏକ ଅଖଣ୍ଡ ଦୀପ ଜଳାଇ ଆରମ୍ଭ ହୋଇଥିଲା ଷୋଡଶଉପଚାର ପୂଜା ବିଧି ।
ନବମୀ ପର୍ଯ୍ୟନ୍ତ ମାଙ୍କର ବିଭିନ୍ନ ବେଶ ଅନୁଷ୍ଠିତ ହେବ । ଆଜି ମାଙ୍କ ଚଳନ୍ତି ପ୍ରତିମା କୁ ସୁସର୍ଜିତ ବିମାନରେ ମହିଷାସୁର କୁ ଠାବ କରିବାକୁ ରତ୍ନଗିରି ନିଆଯାଇଥାଏ । ପରେ ମନ୍ଦିର ମଧ୍ୟରେ ଥିବା ଦୂର୍ଗା ପ୍ରତିମାଙ୍କୁ ରତ୍ନବେଦୀରୁ ବାହାରକୁ ଆଣି ଏକତ୍ର ଭାବେ ଏକ ଖଟୁଳିରେ ପୂଜା କରାଯାଏ ଯାହାକୁ ଜଗତି ପୂଜା କୁହାଯାଇଥାଏ ।ଜଗତି ପୂଜା ପରେ ମାଙ୍କ ଚଳନ୍ତି ପ୍ରତିମା କୁ ରତ୍ନ ସିଂହାସନରେ ପୁନଃ ଅବସ୍ଥାପିତ କରାଯିବା ପରେ ମାଙ୍କ ପ୍ରଥମ ବେଶ ବେସ ଲାଗି ହୁଏ । ଶକ୍ତିପୀଠରେ ପଞ୍ଚମୀରେ ମା ତିରକମାଣ ବେଶ, ଷଷ୍ଟିରେ ମା କାର୍ତ୍ତୀୟଇନି ବେଶ, ସପ୍ତମୀରେ ମାଙ୍କ ପ୍ରସିଦ୍ଧ ସିଙ୍ଘବାହିନୀ ବେଶ ,ଅଷ୍ଟମୀରେ ମହିଷାମର୍ଦ୍ଧିନି ବେଶ,ନବମୀରେ ମା ଙ୍କ ମହା ନବମୀ ବେଶ ବା ଶାନ୍ତି ବେଶ ଅନୁଷ୍ଠିତ ହେବ ।
ପାର୍ବଣର ଏହି ମହାର୍ଘ୍ୟ ସମୟରେ ମାଙ୍କୁ ଦର୍ଶନ କରି କରୁଣା ଲାଭ କରିବା ପାଇଁ ମାଙ୍କ ନିକଟରେ ଭକ୍ତ ମାନଙ୍କ ଭିଡ ଦେଖିବାକୁ ମିଳିଛି ।