ନବୋଦୟ ବିଦ୍ୟାଳୟର ପରିଚାଳନା କମିଟି ବୈଠକରେ ଯୋଗଦେଲେ ଜିଲ୍ଲାପାଳ

ହାଟଡିହି,  (ଓ୍ବାଇଏନଏସ) କେନ୍ଦୁଝର ଜିଲ୍ଲା ହଦଗଡ଼ ଠାରେ ଥିବା ପ୍ରଧାନମନ୍ତ୍ରୀ ଶ୍ରୀ ଜବାହାର ନବୋଦୟ ବିଦ୍ୟାଳୟର ପରିଚାଳନା କମିଟି ବୈଠକ ଅନୁଷ୍ଠିତ ହୋଇ ଯାଇଛି। କେନ୍ଦୁଝର ଜିଲ୍ଲାପାଳ  ବିଶାଳ ସିଂହ ବୈଠକରେ ଅଧ୍ଯକ୍ଷତା କରିଥିଲେ । ଏହି ବୈଠକରେ ଆନନ୍ଦପୁର ଉପଜିଲ୍ଲାପାଳ ନୀଳମାଧବ ସୁନା, ଆନନ୍ଦପୁର ପୂର୍ତ୍ତ ବିଭାଗର ସହକାରୀ ନିର୍ବାହୀ ଯନ୍ତ୍ରୀ  କେଳୁଚରଣ ଦଳାଇ, ବ୍ଲକ ଶିକ୍ଷା ଅଧିକାରୀ ରାଜୀବ ଦଳାଇ, ଓଏଭି, ସୁନ୍ଦରପାଳ ର ଅଧ୍ୟକ୍ଷା ଲୁନାଲିସା ସାମନ୍ତରାୟ, ସରକାରୀ ଉଚ୍ଚ ବିଦ୍ୟାଳୟ, ତ୍ରିଲୋଚନପୁରର ପ୍ରଧାନ ଶିକ୍ଷକ ଶ୍ରୀ ଧନୁର୍ଜୟ ମହାନ୍ତ, ପିଟିସି ସଦସ୍ୟ ପ୍ରଫୁଲ୍ଲ ପ୍ରଫୁଲ୍ଲ କୁମାର ସାହୁ,  ସୁଲୋଚନ ସାହୁ ପ୍ରମୁଖ ଯୋଗଦେଇଥିଲେ। ବିଦ୍ୟାଳୟର ଛୋଟ ଛୋଟ ପିଲାମାନେ ସ୍ବାଗତ ସଙ୍ଗୀତ  ସହିତ ସମସ୍ତ ଅତିଥି ମାନଙ୍କୁ ସ୍ଵାଗତ କରିଥିଲେ | ପିଜିଟି ଇଂରାଜୀ ଶ୍ରୀମତୀ ରେଜିସ୍ କୁଜୁର ସ୍ଵାଗତ ଭାଷଣ ପ୍ରଦାନ କରିଥିବା ବେଳେ ବିଦ୍ୟାଳୟ ର ଅଧ୍ୟକ୍ଷ  ଅଧିର କୁମାର ନାୟକ,  ଉପାଧ୍ଯକ୍ଷ ଉପେନ୍ଦ୍ରନାଥ ମଲିକ୍  ଉପସ୍ଥିତ  ମାନ୍ୟଗଣ୍ୟ ବ୍ୟକ୍ତିକୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ। ଅଧ୍ୟକ୍ଷ ସମସ୍ତ ମାନ୍ୟଗଣ୍ୟ ବ୍ୟକ୍ତିଙ୍କୁ ପାଠ୍ୟକ୍ରମ ଏବଂ ସହ-ପାଠ୍ୟକ୍ରମ କାର୍ଯ୍ୟକଳାପରେ ବିଦ୍ୟାଳୟର ସଫଳତା ବିଷୟରେ ଅବଗତ କରାଇବା ସହ ଛାତ୍ରମାନଙ୍କ ସୁରକ୍ଷା, ସେମାନଙ୍କର ସ୍ବାସ୍ଥ୍ୟ ଏବଂ ପରିମଳ, ପାନୀୟ ଜଳ ସଙ୍କଟ, ଉଚ୍ଚ-ମାସ୍କ ଆଲୋକ, ଖେଳ ପଡ଼ିଆର ବିକାଶ ଏବଂ ସଂପ୍ରସାରଣ, ଆଭ୍ୟନ୍ତରୀଣ ରାସ୍ତା ଆଦି ବିଷୟରେ ଅବଗତ କରାଇଥିଲେ, ଯାହାର ତୁରନ୍ତ ସମାଧାନ ଆବଶ୍ୟକ। ଜିଲ୍ଲାପାଳ ବ୍ୟକ୍ତିଗତ ଭାବରେ ଖେଳ ପଡ଼ିଆ, ଏମ୍ ପି ହଲ୍, ଶ୍ରେଣୀଗୃହ, ପାଠାଗାର ପରିଦର୍ଶନ କରି  ଛାତ୍ର ଏବଂ କର୍ମଚାରୀଙ୍କ ସହିତ ଆଲୋଚନା କରିଥିଲେ । ସେ ନିକଟ ଭବିଷ୍ୟତରେ ସମସ୍ତ ସମ୍ଭାବ୍ୟ ସାହାଯ୍ୟ ପାଇଁ ବିଦ୍ୟାଳୟ ପ୍ରଶାସନକୁ ପ୍ରତିଶ୍ରୁତି ଦେଇଥିଲେ । ଉପାଧ୍ଯକ୍ଷ ଶ୍ରୀଯୁକ୍ତ ଉପେନ୍ଦ୍ରନାଥ ମଲିକ  ଧନ୍ୟବାଦ  ଦେଇଥିଲେ। ଏହି ବୈଠକରେ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀ ଓ କର୍ମଚାରୀ ମାନେ ଉପସ୍ଥିତ ଥିଲେ।