ଅଲିଭ ରିଡଲେ ସାମୁଦ୍ରିକ କଇଁଛଙ୍କ ସୁରକ୍ଷା ଓ ସଂରକ୍ଷଣ ସମନ୍ଵୟ ବୈଠକ ଅନୁଷ୍ଠିତ

ବାଲେଶ୍ଵର (ସରୋଜ ପଣ୍ଡା):-  ଅଦ୍ୟ ଦିବା ୧୧ଘଟିକା ସମୟରେ କୁରୁଡ଼ା ସ୍ଥିତ ବାଲେଶ୍ଵର ବନ୍ୟ ପ୍ରାଣୀ ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ଜଙ୍ଗଲ ,ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ପକ୍ଷରୁ ପ୍ରଭାଗ ସ୍ତରୀୟ  ହିତାଧିକାରୀଙ୍କ ସହ ସାମୁଦ୍ରିକ କଇଁଛ  ଅଲିଭ ରିଡ଼ଲେ ପାଇଁ ଏକ ସମନ୍ଵୟ ବୈଠକ ଅନୁଷ୍ଠିତ ହୋଇଯାଇଛି।ଏହି ବୈଠକରେ ଡି . ଏଫ୍.ଓ.ଶ୍ରୀଯୁକ୍ତ ପ୍ରଫୁଲ୍ଲ କୁମାର ମଲ୍ଲିକ ଅଧ୍ୟକ୍ଷତା କରିଥିଲା ବେଳେ ଜଳେଶ୍ଵର ଏ. ସି. ଏଫ୍. ସୁଶ୍ରୀ ଜୟଶ୍ରୀ ମୁର୍ମୁ ମୂଖ୍ୟ ଅତିଥି ସମେତ ସମସ୍ତ ଅତିଥି ମାନଙ୍କ ପରିଚୟ ସ୍ଵାଗତ ଜଣାଇବା ପରେ ଜଗନ୍ନାଥ ଙ୍କ ଫଟୋ ଚିତ୍ରରେ ଧୂପ ଦୀପ ପ୍ରଜ୍ବଳନ ପୂର୍ବକ ସଭା କାର୍ଯ୍ୟ ଆରମ୍ଭ କରିଥିଲେ। ଉକ୍ତ ବୈଠକରେ ଡି.ଏଫ୍.ଓ ଶ୍ରୀଯୁକ୍ତ ମଲ୍ଲିକ ଅଲିଭ ରିଡ଼ଲେ ସାମୁଦ୍ରିକ କଇଁଛ ଗତୀ ବିଧି ସୁରକ୍ଷା ଓ ସଂରକ୍ଷଣ ସଂପର୍କରେ ସଂକ୍ଷିପ୍ତ ବକ୍ତବ୍ୟ ଉପସ୍ଥାପନ କରିଥିଲେ। ମୁଖ୍ୟ ଅତିଥି ଭାବେ ବାଲେଶ୍ଵର ମତ୍ସ୍ୟ ବିଭାଗ,ଉପ ନିର୍ଦ୍ଦେଶକ ଶ୍ରୀଯୁକ୍ତ ଦୀପ୍ତି କାନ୍ତ ମହାପାତ୍ର ଅଲିଭ ରିଡଲେ ସାମୁଦ୍ରିକ କଇଁଛ ଦୀର୍ଘ ୯୦୦୦କି. ମି. ପ୍ରଶାନ୍ତସାଗର ଅତିକ୍ରମକରି ଓଡ଼ିଶାର ୪ଗୋଟି ଉପକୂଳରେ ଗୋହିର ମୋଥା ଋଷୀକୁଲ୍ୟା,ଦେବୀ ନଦୀ,ଚାନ୍ଦିପୁର,ଧାମରା ପ୍ରଭୃତି ସମୁଦ୍ର ବେଳାଭୂମି ମାନଙ୍କୁ ଅଣ୍ଡା ଦେବା ପାଇଁ ନଭେମ୍ୱର ମାସରୁ ମେ ମାସ ପର୍ଯ୍ୟନ୍ତ ଆଗମନ କରିଥାନ୍ତି।ଏହି ସମୟରେ ସମୁଦ୍ର ବେଳାଭୂମିର ୬୦କି.ମି଼.କୁ ଜଙ୍ଗଲ ବିଭାଗ,ମତ୍ସ୍ୟ ବିଭାଗ, ସାମୁଦ୍ରିକ ଥାନାଡି.ଆର.ଡି.ଓ.ଦ୍ଵାରା ସତର୍କତା ଅବଲମ୍ବନ ସ୍ଵରୂପ କଡ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥାଏ।1974 ବନ୍ୟପ୍ରାଣୀ ଆଇନ ଅନୁଯାୟୀ ବିଭିନ୍ନ କଟକଣା ଓ ଦଣ୍ଡ ବିଧାନ ମଧ୍ୟ ଜାରି ସଂପର୍କରେ ଅବଗତ କରିଥିଲେ। ଅନ୍ୟାନ୍ୟ ଅଟିଥି ଗଣ ଅଲିଭ ରିଡ଼ଲେ କଇଁଛ ମାନଙ୍କ ନିମନ୍ତେ ସରକାରଙ୍କ ଆଭିମୁଖ୍ୟ , ଜନ ସଚେତନତା, ପିଲାମାନଙ୍କ ମଧ୍ୟରେ ଜାଗରଣ,ସମୁଦ୍ର ବେଳାଭୂମିକୁ ସ୍ୱଚ୍ଛ , ପ୍ଲାଷ୍ଟିକ ମୁକ୍ତ ଅଞ୍ଚଳ, ବିଭିନ୍ନ ସଚେତନତା ବାର୍ତ୍ତା ବହନ କରୁଥିବା ଫଳକ ସଂପର୍କରେ ଆଲୋକପାତ କରିଥିଲେ।ଏହି କାର୍ଯ୍ୟକ୍ରମରେ ବିଭିନ୍ନ ବେସରକାରୀ ସଂସ୍ଥା କର୍ମକର୍ତ୍ତା, ମତ୍ସ୍ୟ ଜିବୀ ସଂଗଠନ କର୍ମକର୍ତ୍ତା ଉପସ୍ଥିତ ରହି ବିଭିନ୍ନ ପ୍ରସଙ୍ଗ ଉପରେ ନିଜ ନିଜର ଅଭିଜ୍ଞତା ବାଣ୍ଟି ଥିଲେ।

ଉକ୍ତ ବୈଠକରେ ଡି.ଏଫ୍.ଓ. ଶ୍ରୀଯୁକ୍ତ ପ୍ରଫୁଲ୍ଲ କୁମାର ମଲ୍ଲିକ, ବାଲେଶ୍ଵର (ବନ୍ୟ ପ୍ରାଣୀ) ଖଣ୍ଡ, ଏ. ସି.ଏଫ୍.ସୁଶ୍ରୀ ତଟିନୀ ସେଠୀ,ବନ୍ୟ ପ୍ରାଣୀ ୱାଡେନ ଡ. ଶ୍ରୀଯୁକ୍ତ ପ୍ରକାଶ ମର୍ଦ୍ଦରାଜ , ବାଲେଶ୍ଵର ଜିଲ୍ଲାର ବନ୍ୟ ପ୍ରାଣୀ ୱାଡେନ ଶ୍ରୀଯୁକ୍ତ ଆଶିନି କୁମାର ଦାସ, ମେରାଇନ ,ବାଲେଶ୍ଵର ଏ. ଡି.ଏଫ୍.ଓ ସୁଶ୍ରୀ ସି.ଏସ.ପଲ୍ଲବୀ, ଏ.ଏସ. ପି. ଶ୍ରୀଯୁକ୍ତ ଅଶ୍ଵିନୀ କୁମାର ନାଏକ ଟ୍ରଲୋର୍ ସଂଗଠନ ର ଅଧକ୍ଷ ଶ୍ରୀଯୁକ୍ତ ବାଦଲ ଦାସ,ମତ୍ସ୍ୟଜୀବୀ ସଂଗଠନର କର୍ମକର୍ତ୍ତା ବାଲେଶ୍ଵର, ମତ୍ସ୍ୟ ବିଭାଗ ଉପ ନିର୍ଦ୍ଦେଶକ ଶ୍ରୀଯୁକ୍ତ ଦୀପ୍ତି କାନ୍ତ ମହାପାତ୍ର ବିଭାଗୀୟ କର୍ମକର୍ତ୍ତା ଉପସ୍ଥିତ ଥିଲେ। ଏହି କାର୍ଯ୍ୟକ୍ରମର ସଫଳତା ପାଇଁ ବାଲେଶ୍ଵର (ବନ୍ୟ ପ୍ରାଣୀ) ବନ ଖଣ୍ଡ, ଏ. ସି.ଏଫ୍. ଶ୍ରୀଯୁକ୍ତ ଦିଗନ୍ତ ଶୋଭନ ଚାନ୍ଦ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।

ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ, ବାଲେଶ୍ଵର।