ବୃଦ୍ଧାଙ୍କ ପେନସନ ଟଙ୍କା ଆତ୍ମସାତ କରିବା ଅଭିଯୋଗରେ ୨ ଭାଇ ଗିରଫ

ପାରଳାଖେମୁଣ୍ଡି,(ତାରିଣୀ ପ୍ରସାଦ ପଣ୍ଡା): ଗଜପତି ଜିଲ୍ଲାରେ ଦୀର୍ଘ ଦଶ ବର୍ଷ ଧରି ଜଣେ ବୃଦ୍ଧାଙ୍କ  ପେନସନ ଟଙ୍କା ଆତ୍ମସାତ କରିବା ଅଭିଯୋଗରେ 2 ଭାଇ ଗିରଫ ହୋଇଥିବା ସୂଚନା ମିଳିଛି. ଘଟଣାରୁ ପ୍ରକାଶ, ରାୟଗଡ଼ ବ୍ଲକ ସଦର ମହକୁମାସ୍ଥିତ ସ୍ୱାଲସିଂ ସାହିର ଶୁଭଗମନା ସ୍ୱାଲସିଂ (୮୨)  ବିଧବା ବୃଦ୍ଧାଙ୍କ ସରକାରୀ ପେନସନ ଦୀର୍ଘ ଦଶ ବର୍ଷ ଧରି ୨୦୧୫  ମସିହା ଠାରୁ ଗୋଟିଏ ପରିବାରର ବାପା ଓ ତିନି ପୁଅ ବ୍ୟାଙ୍କରୁ ଉଠାଇ ଆତ୍ମସାତ କରିଥିବା ନେଇ ରାୟଗଡ଼ ଥାନାରେ ତାଙ୍କ ସମ୍ପର୍କୀୟ ଭଣଜା ସୁକାନ୍ତ ସ୍ୱାଲସିଂ ଲିଖିତ ଅଭିଯୋଗ କରିଥିଲେ.  ଏଥିରେ ସମ୍ପୃକ୍ତ ଥିବା ବ୍ୟକ୍ତିଙ୍କ ବିରୁଦ୍ଧରେ ପୁଲିସ କେସ୍ ନଂ ୧୦୭/୨୫ରେ ମାମଲା ରୁଜୁ କରି ତଦନ୍ତ ଆରମ୍ଭ କରି ସମ୍ପୃକ୍ତ ଥିବା ନିରୋଜ  ବର୍ଦ୍ଧନ (୩୯) , ଉଜ୍ଜ୍ୱଳ ବର୍ଦ୍ଧନ (୨୫) ଦୁଇ ଭାଇଙ୍କୁ ଗିରଫ କରି କୋର୍ଟଚାଲାଣ କରାଯାଇଛି ବୋଲି ଥାନା ଅଧିକାରୀ କମଳା ଚୌଧୁରୀ କହିଛନ୍ତି। ପ୍ରକାଶ ଥାଉକି ୨୦୧୫  ମସିହା ଠାରୁ ୨୦୨୫ ମସିହା ବର୍ତମାନ ଚାଲି ଥିବା ମାସ ଯାଏ ପ୍ରାୟ ଚଉଦ ଲକ୍ଷ ଟଙ୍କାରୁ ଉର୍ଦ୍ଧ ଟଙ୍କା ଶୁଭଗମନା ସ୍ୱାଲସିଂ (୮୨)  ବିଧବା ବୃଦ୍ଧାଙ୍କ ସରକାରୀ ପେନସନକୁ ଉଭୟେ ଦୁଇ ଭାଇ ଠକି ନେଇ ଅୟସ କରୁଥିଲେ. ଅନ୍ୟପକ୍ଷରେ  ବୃଦ୍ଧା ଜଣକ  ଦରିଦ୍ରତା ଯୋଗୁଁ ଭୋକ ଉପାସରେ  ଅତ୍ୟନ୍ତ ଦୁଃଖଦ ଜୀବନ ବିତାଇ ଆସୁଥିଲେ।