ସରସ୍ଵତୀ ଶିଶୁ ମନ୍ଦିର କଙ୍ଗଲିବିହାରରେ ୧୪ ତମ ବାର୍ଷିକ କ୍ରୀଡା
ହାଟଡିହି (ଓ୍ବାଇଏନଏସ): ସରସ୍ଵତୀ ଶିଶୁ ମନ୍ଦିର କାଙ୍ଗାଲିବିହାର ମତାବାଜ ରେ ୧୪ ତମ ବାର୍ଷିକ କ୍ରୀଡା ଶୁଭାରମ୍ଭ ହୋଇ ଯାଇଛି l ପ୍ରଧାନ ଆଚାର୍ଯ୍ୟ ବସନ୍ତ କୁମାର ସାହୁଙ୍କ ଅଧ୍ୟକ୍ଷତାରେ ଆୟୋଜିତ ବାର୍ଷିକ କ୍ରୀଡା ଉତ୍ସବରେ ମୁଖ୍ୟ ଅତିଥି ଭାବେ ପୂର୍ବତନ ଏବିଇଓ ସୁରେଶ କୁମାର ଜେନା , ବିଦ୍ୟାଳୟର ସହ ସମ୍ପାଦକ ଗଦାଧର ନନ୍ଦ ଯୋଗ ଦେଇ କ୍ରୀଡା କୁ ଶୁଭାରମ୍ଭ କରିଥିଲେ l ମୁଖ୍ୟ ଅତିଥି କ୍ରୀଡାର ଉପକାରିତା ବିଷୟରେ ଉପସ୍ଥିତ ଛାତ୍ର ଛାତ୍ରୀ ମାନଙ୍କୁ ମାର୍ଗଦର୍ଶନ ଦେବାସହିତ ସୁସ୍ଥ ରହିବା ପାଇଁ ନିୟମିତ ବ୍ୟାୟାମ କରିବାକୁ ଉପଦେଶ ଦେଇଥିଲେ l କ୍ରୀଡା ଉତ୍ସବରେ ଲମ୍ବ ଡିଆ , ଉଚ ଡିଆ, ଦୌଡ଼ ପ୍ରତିଯୋଗିତା , ଟିକି ଟିକି ଶିଶୁ ଭାଇଭଉଣୀ ମାନଙ୍କ ପାଇଁ ବେଲୁନ ଫଟା , ବାଟି ଖୋଜା, ବଲ ଫିଙ୍ଗା ଇତ୍ୟାଦି ଖେଳ ଅନୁଷ୍ଠିତ ହୋଇଥିଲା l ଏଥିରେ ବିଦ୍ୟାଳୟର ଗୁରୁଜୀ ଶ୍ରୀଯୁକ୍ତ ସୁବାସ କୁମାର ଦଳେଇ ଓ ମଦନ ମୋହନ ସାହୁ , ଖେଳକୁ ପରିଚାଳନା କରିଥିଲେ l ଜ୍ୟୋତିର୍ମୟୀ ବେହେରା, ଭାରତୀ କର, ଶ୍ରୀଯୁକ୍ତ ପ୍ରସନ୍ନ ଶଙ୍ଖୁଆ, ପ୍ରତିମା ରାଉତ, ବନିତା ସାହୁ, ସସ୍ମିତା ପଣ୍ଡା, କାଞ୍ଚନ ବେହେରା, କୁମୁଦିନୀ ପାଢ଼ୀ, ଜୟନ୍ତୀ ପ୍ରଧାନ, ସୁନନ୍ଦା ସ୍ୱାଇଁ ,ଦ୍ବାରିକାନାଥ ସନଙ୍ଗି, ବିପିନ ବିହାରୀ ସା, ନିରଞ୍ଜନ ଦାସ, କୁନି ଦାସ ଇତ୍ୟାଦି ସହଯୋଗ କରିଥିଲେ l


