ବ୍ଲକସ୍ତରୀୟ ବିଜ୍ଞାନ ମେଳା

କାକଟପୁର /ଅସ୍ତରଙ୍ଗ:(ଶୁଭାଶିଷ ଖଣ୍ଡୁଆଳ ):-ପୁରୀ ଜିଲ୍ଲା କାକଟପୁର ମଣ୍ଡଳଶିକ୍ଷାଧିକାରୀ କାର୍ଯ୍ୟାଳୟ ଅଧୀନ ସରକାରୀ କାକଟପୁର ବାଳିକା ନୋଡାଲ ଉଚ୍ଚ ବିଦ୍ୟାଳୟ ରେ ୩୫ତମ ବ୍ଲକ ସ୍ତରୀୟ ବିଜ୍ଞାନ ମେଳା ପ୍ରଦର୍ଶନୀ ଶୁକ୍ରବାର ଅନୁଷ୍ଠିତ ହୋଇଯାଇଛି। ମଣ୍ଡଳ ଶିକ୍ଷାଧିକାରୀ ଶ୍ରୀଯୁକ୍ତ ରବୀନ୍ଦ୍ର ନାଥ ନନ୍ଦ ଙ୍କ ସଭାପତିତ୍ବ ରେ ମୁଖ୍ୟଅତିଥି କାକଟପୁର ମଣ୍ଡଳ ଉନ୍ନୟନ ଅଧିକାରୀ  ଶ୍ରୀଯୁକ୍ତ ନାରାୟଣ ଦୀକ୍ଷିତି, ମୁଖ୍ୟ ବକ୍ତା କାକଟପୁର ତହସିଲଦାର ଅଙ୍କିତା ଅନିନ୍ଦିତା, ସଂମ୍ମାନିତ ଅତିଥି ଅସ୍ତରଙ୍ଗ ମଣ୍ଡଳ ଶିକ୍ଷାଧିକାରୀ ଶ୍ରୀଯୁକ୍ତ ଶ୍ରୀକାନ୍ତ କୁମାର ସ୍ୱାଇଁ, କାକଟପୁର ମଣ୍ଡଳ ସହ ଶିକ୍ଷାଧିକାରୀ ଶ୍ରୀଯୁକ୍ତ ବଂଶୀଧର ମଲ୍ଲିକ, ବରୁଣେଇ ଉଚ୍ଚ ବିଦ୍ୟାଳୟ, ପାଟପୁର ପ୍ରଧାନଶିକ୍ଷକ ଶ୍ରୀଯୁକ୍ତ ବିଚିତ୍ରାନନ୍ଦ ରଥ, ସହ ଶିକ୍ଷାଧିକାରୀ ଶ୍ରୀଯୁକ୍ତ ବ୍ରହ୍ମାନନ୍ଦ କାଣ୍ଡି, ସହ ଶିକ୍ଷାଧିକାରୀ ମାଲିକ କାକିର ହୁସେନ, ମିଳିତ ପ୍ରାଥମିକ ଶିକ୍ଷକ ସଙ୍ଘ ସଭାପତି ଶ୍ରୀଯୁକ୍ତ ଅକ୍ଷୟ କୁମାର ଖୁଣ୍ଟିଆ, ଓ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ସେକ ଜିଆଉଲ ହକ ପ୍ରମୁଖ ଉପସ୍ଥିତ ଥିବା ବେଳେ ମଞ୍ଚ ପରିଚାଳନା କରିଥିଲେ ପ୍ରାଥମିକ ଶିକ୍ଷକ ସଙ୍ଘ କାର୍ଯ୍ୟକାରୀ ସଭାପତି ହୃଦାନନ୍ଦ ଶାସମଲ।ମୁଖ୍ୟ ଅତିଥି କାକଟପୁର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଯୁକ୍ତ ନାରାୟଣ ଦୀକ୍ଷିତି ନିଜ ବକ୍ତବ୍ୟ ରେ ପ୍ରତ୍ୟେକ ଛାତ୍ର, ଛାତ୍ରୀ ସ୍ୱତନ୍ତ୍ର ଓ ସମାଜରେ ସେମାନଙ୍କ ଭୂମିକା ଗୁରୁତ୍ୱପୂର୍ଣ୍ଣ। ଅଧିକ ବହି ପଢିବା ଓ ନିଜର ମୌଳିକ ବୃଦ୍ଧିକୁ ଅଧିକ ରୁ ଅଧିକ ପ୍ରୟୋଗ କରି ସମସ୍ୟାର ସମାଧାନ କରିବା ଉପରେ ଯଥେଷ୍ଟ ଗୁରୁତ୍ୱ ଦେବାକୁ ମତବ୍ୟକ୍ତ କରିଥିଲେ। ମୁଖ୍ୟ ବକ୍ତା ତହସିଲଦାର ଅଙ୍କିତା ଅନିନ୍ଦିତା ନିଜ ବକ୍ତବ୍ୟ ରେ କହିଥିଲେ କଣ, କାହିଁକି ଓ କିପରି ପ୍ରଶ୍ନରୁ ହିଁ ଆରମ୍ଭ ହୋଇଥାଏ ବିଜ୍ଞାନ। ଏକ ଜିଜ୍ଞାସୁ ଓ ଅନୁସନ୍ଧିସୁ ମନୋଭାବ ନେଇ ପରୀକ୍ଷଣ ଓ ପର୍ଯ୍ୟବେକ୍ଷଣ ମାଧ୍ୟ୍ୟମରେ ଛାତ୍ର, ଛାତ୍ରୀ ମାନଙ୍କୁ ମାର୍ଗଦର୍ଶନ କରି ପାରିଲେ ବିଜ୍ଞାନ ମେଳା ସାର୍ଥକ ହେବ ବୋଲି ମତଦେଇଥିଲେ। ସଂମ୍ମାନିତ ଅତିଥି ଅସ୍ତରଙ୍ଗ ମଣ୍ଡଳ ଶିକ୍ଷାଧିକାରୀ ଶ୍ରୀଯୁକ୍ତ ଶ୍ରୀକାନ୍ତ କୁମାର ସ୍ୱାଇଁ ନିଜ ବକ୍ତବ୍ୟ ରେ ବିଜ୍ଞାନ ବିକାଶ ଯୋଗୁଁ ମାନବ ସଭ୍ୟତାର ବିକାଶ ସମ୍ଭବପର ହୋଇପାରିଛି। ଏଣୁ ଛାତ୍ର, ଛାତ୍ରୀ ମାନେ ବିଜ୍ଞାନ ପ୍ରତି ବିଶେଷ ଧ୍ୟାନ ଦେବା ଜରୁରୀ ବୋଲି ମତଦେଇଥିଲେ।  ପିଏମଶ୍ରୀ କାକଟପୁର ସରକାରୀ ଉଚ୍ଚ ବିଦ୍ୟାଳୟ ବିଜ୍ଞାନ ଶିକ୍ଷକ ଶ୍ରୀଯୁକ୍ତ ପ୍ରତାପରାଉତ ନିଜ ବକ୍ତବ୍ୟ ରେ କହିଥିଲେ ବିଜ୍ଞାନ ସାମ୍ପ୍ରତିକ ସମୟରେ ଜୀବନକୁ ସହଜ, ସରଳ କରିବା ପାଇଁ ବିଜ୍ଞାନ ହେଉଛି ଏକ ଅସ୍ତ୍ର। ଅନ୍ୟ ଅତିଥି ମାନେ ଛାତ୍ର ଜୀବନ ରେ ନିଜକୁ ଶୃଙ୍ଖଳିତ ଭାବରେ ଗଢି ତୋଳିବା ପାଇଁ ପରାମର୍ଶ ଦେଇଥିଲେ। ବିଜ୍ଞାନ ପ୍ରତି ଆଗ୍ରହ, ବିଜ୍ଞାନର ବିଭିନ୍ନ କ୍ଷେତ୍ରରେ ଆଲୋଚନା, ବିଜ୍ଞାନ ଉପରେ କୁନି କୁନି ବୈଜ୍ଞାନିକ ଙ୍କ ଚିନ୍ତାଧାରା କୁ ଅଭିବୃତ୍ତ କରି ବିଜ୍ଞାନ ମେଳାର ଆୟୋଜନ ମୂଳଲକ୍ଷ୍ୟ। ଖାଦ୍ୟ, ସ୍ୱାସ୍ଥ୍ୟ ଓ ସ୍ଵଛତା, ପରିବହନ ଓ ଯୋଗାଯୋଗ, ପ୍ରାକୃତିକ, କୃଷି, ବିପର୍ଯ୍ୟୟ ପରିଚାଳନା, ଆଦର୍ଶ ଗଣିତ ପ୍ରଦର୍ଶନ, ବର୍ଜ୍ୟବସ୍ତୁ ପରିଚାଳନା ଆଦି ବିଷୟବସ୍ତୁ କୁ ନେଇ କାକଟପୁର ମଣ୍ଡଳଶିକ୍ଷାଧିକାରୀ କାର୍ଯ୍ୟାଳୟ ଅଧୀନ ବିଭିନ୍ନ ବିଦ୍ୟାଳୟ ରୁ ମୋଟ ୧୬୮ଟି ପ୍ରକଳ୍ପ ଏଥିରେ ପ୍ରଦର୍ଶିତ ହୋଇଥିଲା, ସେଥି ମଧ୍ୟରୁ ୭ଟି ପ୍ରକଳ୍ପ ଜିଲ୍ଲାସ୍ତରକୁ ମନୋନୀତ ହୋଇଛି।ବିଚାରକ ଭାବେ ଅଶୋକ କୁମାର ପୃଷ୍ଟି, ଦିଲ୍ଲୀପ ଓଝା ଓ ଅରବିନ୍ଦ ଦାଶ କାର୍ଯ୍ୟ ପରିଚାଳନା କରିଥିଲେ।ଏହି କାର୍ଯ୍ୟକ୍ରମ ରେ ସମସ୍ତ ସାଧନ ସଂଯୋଜକ, ବିଭିନ୍ନ ବିଦ୍ୟାଳୟ ଶିକ୍ଷକ, ଶିକ୍ଷୟତ୍ରୀ ମାନେ କାର୍ଯ୍ୟକ୍ରମ ପରିଚାଳନା ସହଯୋଗ କରିଥିଲେ।ଶେଷ ରେ ସମସ୍ତଙ୍କୁ ସରକାରୀ କାକଟପୁର ବାଳିକା ନୋଡାଲ ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ ଶ୍ରୀଯୁକ୍ତ ଲକ୍ଷ୍ମୀଧର ପ୍ରଧାନ  ଧନ୍ୟବାଦ ଅର୍ପଣ କରିଥିଲେ।