ଇସ୍କନ୍ ପକ୍ଷରୁ ଆସିକାରେ ସାଧୁସଙ୍ଗେ ହରିକଥା କାର୍ଯ୍ୟକ୍ରମ
ଆସିକା (ୱାଇଏନ୍ଏସ୍) : ଜଗନ୍ନାଥ ସଂସ୍କୃତିର ପ୍ରଚାର ଓ ପ୍ରସାର ସାଙ୍ଗକୁ ଆଧ୍ୟାତ୍ମିକପ୍ରେମୀ ଶ୍ରଦ୍ଧାଳୁ ଭକ୍ତଙ୍କ ମନରେ ଭାଗବତ ଚେତନା ଓ ଭାଗବତ ଆରାଧନା ଜାଗ୍ରତ କରିବା ଲକ୍ଷ୍ୟରେ ଇସ୍କନ ଆସିକା ଶାଖାର ପ୍ରତ୍ୟକ୍ଷ ତତ୍ତ୍ୱାବଧାନରେ ସ୍ଥାନୀୟ ଟାଉନ୍ହଲ୍ ପରିସରରେ ଶୁକ୍ରବାର ଏକ ଆଧ୍ୟାତ୍ମିକ ପରିବେଶ ମଧ୍ୟରେ ଉତ୍ସାହ ଓ ଉଦ୍ଦୀପନାର ସହ ସାଧୁ ସଙ୍ଗେ ହରି କଥା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଆଧ୍ୟାତ୍ମିକ କାର୍ଯ୍ୟକ୍ରମରେ ବୃନ୍ଦାବନ ଇସ୍କନ ମନ୍ଦିରରୁ ଆସିଥିବା ଆଧ୍ୟାତ୍ମିକ ପ୍ରବଚକ ଶ୍ରୀ ଶ୍ରୀମଦ୍ ଭକ୍ତିଗୌରବ ନାରାୟଣଗୁରୁ ସ୍ୱାମୀ ମହାରାଜ ଯୋଗଦେଇ ଅର୍ଶୀବଚନ ପ୍ରଦାନ କରିଥିଲେ । ଇସ୍କନ୍ ଆସିକା ଶାଖା ପକ୍ଷରୁ ଅନୁଷ୍ଠିତ ସାଧୁ ସଙ୍ଗେ ହରିକଥା କାର୍ଯ୍ୟକ୍ରମର ଉଦ୍ଘାଟନୀ କାର୍ଯ୍ୟକ୍ରମରେ ଶ୍ରୀ ଶ୍ରୀମଦ୍ ଭକ୍ତିଗୌରବ ନାରାୟଣ ସ୍ୱାମୀ ମହାରାଜ ଓ ଶ୍ରୀ ଶ୍ରୀମଦ୍ ଭକ୍ତିପ୍ରାଣ ଗୋପୀନାଥ ସ୍ୱାମୀ ମହାରାଜ ଏବଂ ଇସ୍କନ୍ ଆଙ୍କୁଶପୁର ଶାଖାର ଅଧ୍ୟକ୍ଷ ଶ୍ରୀ ଗୋକୁଳାନନ୍ଦ ଦାଶ ଯୋଗଦେଇ ଆଧ୍ୟାତ୍ମିକ ଚିନ୍ତାଧାରା ମାଧ୍ୟମରେ ମନୁଷ୍ୟ ସମାଜର ଉନ୍ନତି ସମ୍ଭବ ହୋଇଥିବା ବେଳେ ସାମାଜିକ ଜୀବନକୁ ସରସ, ସୁନ୍ଦର ଓ ସଦ୍ମାର୍ଗରେ ଗଢିତୋଳିବା ପାଇଁ ସତ୍ସଙ୍ଗର ଆବଶ୍ୟକତା ଜରୁରୀ ବୋଲି ମତବ୍ୟକ୍ତ କରିଥିଲେ । ଇସ୍କନ ଆସିକା ଶାଖା ଆନୁକୂଲ୍ୟରେ ଅନୁଷ୍ଠିତ ହୋଇଥିବା ଏହି ଆଧ୍ୟାତ୍ମିକ କାର୍ଯ୍ୟକ୍ରମକୁ ସୁପରିଚାଳନା କରିବା ଦିଗରେ ଆଧ୍ୟାତ୍ମିକପ୍ରେମୀ ହରିପଦ ଦାଶ, ପରମବ୍ରହ୍ମ ଦାସ, ମୁରଲୀମନୋହର ଦାଶ, ଦେବକୀପୁତ୍ର ଦାଶ, ବିନତୀକୃଷ୍ଣ ଦାଶ, ରାମାନନ୍ଦ ରାୟ ଦାଶ, ଶାନ୍ତିସ୍ୱରୂପ ଦାଶ, ସିମାଞ୍ଚଳ ସେଠୀ, ରାସବିହାରୀ ଦାଶ, ସନ୍ତୋଷଶ୍ୟାମ ଦାଶ, ମହେଶ୍ୱର ଆଚାରୀ, ରଘୁପତି ଦାଶ, ସତ୍ୟଗୋବିନ୍ଦ ଦାଶ, ବାଲମୁକୁନ୍ଦ ଦାଶ, କାଳିନ୍ଦୀଚରଣ ନାୟକ, ସନ୍ତୋଷ ସିୟ, ତାରିଣୀ ଚରଣ ପ୍ରଧାନ, ଲଳିତ କୃଷ୍ଣ ଦାଶ, ବିଜୟ ରାଉତ, ସନ୍ତୁଷ୍ଟମାଧବ ଦାଶ, ବିଜୟ ରାଉତ ପ୍ରଭୁ, ରୁଦ୍ରପ୍ରସାଦ ରେଡି, ଶାନ୍ତିସ୍ୱରୂପ ଦାଶ, ନାରାୟଣ ସ୍ୱାଇଁ, ମହେଶ୍ୱର ସାମଲ, ରାମାନୁଜ ପ୍ରଭୁ, ଶିବ ପ୍ରଭୁ, ରତିମଞ୍ଜରୀ ଦେବୀ ଦାସି, ଯଶୋଦା ଦେବୀ ଦାସି, ପ୍ରାଣଗୋପୀ ଦେବୀ ଦାସି, ଉର୍ମିଳା ଦେବୀ ଦାସି, ମଞ୍ଜୁଭାସିନୀ ଦେବୀ ଦାସି, ପ୍ରତିମା ଡାକୁଆ, କସ୍ତୁରୀ ବେହେରା, ଅନିଲ୍ ସେଠୀ ପ୍ରମୁଖ ସକ୍ରିୟ ସହଯୋଗ କରିଥିବା ବେଳେ ପ୍ରବକ୍ତା ଶ୍ରୀ ଶ୍ରୀମଦ୍ ଭକ୍ତିଗୌରଭ ନାରାୟଣ ସ୍ୱାମୀ ମହାରାଜାଙ୍କ ମୁଖରୁ ଅର୍ଶୀବଚନ ଶ୍ରବଣ କରିବା ଲାଗି ଶହ ଶହ ଶ୍ରଦ୍ଧାଳୁ ପୁରୁଷ ଓ ମହିଳା ଭକ୍ତଙ୍କ ଭିଡ ଜମିଥିବା ଲକ୍ଷ୍ୟ କରାଯାଇଥିଲା । ଶୁକ୍ରବାର ପୂର୍ବାହ୍ନରେ ବିଦ୍ୱାନ ପଣ୍ଡିତ ଶ୍ରୀ ଶ୍ରୀମଦ୍ ଭକ୍ତିଗୌରବ ନାରାୟଣ ସ୍ୱାମୀ ମହାରାଜ ଆସିକା ତାଲୁକା ଛକ ସ୍ଥିତ ଇସ୍କନ୍ ଶାଖାରେ ପହଞ୍ଚିବା ପରେ ଶ୍ରଦ୍ଧାଳୁ ଭକ୍ତମାନେ ଭବ୍ୟ ସ୍ୱାଗତ ସମ୍ବର୍ଦ୍ଧନା କରିବା ସାଙ୍ଗକୁ ଗୁରୁପାଦୁକା ପୂଜା କରିଥିଲେ । ଶ୍ରୀ ଶ୍ରୀମଦ୍ ଭକ୍ତିଗୌରବ ନାରାୟଣ ସ୍ୱାମୀ ଗୁରୁ ମହାରାଜଙ୍କ ମୁଖନିସୃତ ନୀତିବାଣୀ ଶ୍ରବଣ କରିବା ପାଇଁ ସ୍ଥାନୀୟ ଟାଉନହଲ୍ ପରିସରରେ ଅନୁଷ୍ଠିତ ସାଧୁ ସଙ୍ଗେ ହରିକଥା କାର୍ଯ୍ୟକ୍ରମରେ ଶ୍ରଦ୍ଧାଳୁ ଭକ୍ତଙ୍କ ପ୍ରବଳ ଭିଡ ଜମିଥିବା ହେଳେ ଏକ ଆଧ୍ୟାତ୍ମିକ ପରିବେଶ ମଧ୍ୟରେ ନାମ କୀର୍ତ୍ତନ ଅନୁଷ୍ଠିତ ହୋଇଥିଲା ।
