ଭୁଲୁ କାହିଁକି
ଉଠ ଉଠ ହାଟ ସାର ମଠ କାହିଁକି
ଉଡୁଛି କାଳଛଞ୍ଚାଣ ଜଣା ନାହିଁ କି।। ଘୋଷା।।
ହାଟ ସରିଗଲେ ବାବୁ
ଶ୍ରୀପୁରୁଷୋତ୍ତମ ଯିବୁ
ବାଟ ଚାହିଁ ରହିଛନ୍ତି ବୁଲୁ କାହିଁକି ।
ଭାବ ନାହିଁ କାଠ ସିଏ
ସବୁ ସେ ହିସାବ ନିଏ
ଚକା ଚକା ଆଖି ସବୁ ଦେଖୁଥାଇ କି ।
ହାଟ ସଉଦା ତୋହର
ପାପ ପୂଣ୍ଯର ବିଚାର
ଯାହା ଅର୍ଜିବୁ ଭୋଗିବୁ ଜଣା ନାହିଁ କି ।
ବନ୍ଧୁ ବର୍ଗ ସାହି ଭାଇ
କେହି ଭାଗ ନେବେ ନାହିଁ
ସଉଦା ଖାଇବେ ପାପ ତୁମ ପାଇଁ କି ।
ପଢ ଗୀତା ଭାଗବତ
ବୁଝିବୁ ଏ ଗୁଢ ତତ୍ତ୍ବ
ଦସ୍ୟୁ ରତ୍ନାକର କାହିଁ ହେଲେ ବାଲ୍ମୀକି ।
ନ ବୁଝି ପାରିଲେ ବାବୁ
ଶ୍ରୀପୁରୁଷୋତ୍ତମ ଯିବୁ
କାଠ ମଧ୍ୟେ ଦାରୁବ୍ରହ୍ମ ଭୁଲୁ କାହିଁକି ।
ଗଦାଧର ସାହୁ,
ବ୍ରହ୍ମଗିରି,ପୁରୀ
