ଛତ୍ରପୁର ନିର୍ବାଚନ ମଣ୍ଡଳୀର ବିଜୁ ଜନତା ଦଳ ନେତୃବୃନ୍ଦଙ୍କ ଖୋର୍ଦ୍ଧା ଓ ବୋଲଗଡ ଅଂଚଳରେ ନିର୍ବାଚନ ପ୍ରଚାର

ଛତ୍ରପୁର:    ( ଯୁଗାବ୍ଦ ନ୍ୟୁଜ ) : ବିଜୁ ଜନତା ଦଳର ମୁଖ୍ୟ କାର୍ଯ୍ୟାଳୟ ପକ୍ଷରୁ ସ୍ୱତନ୍ତ୍ର ଆମନ୍ତ୍ରଣ ପାଇ ଛତ୍ରପୁର ବିଧାନସଭା ନିର୍ବାଚନ ମଣ୍ଡଳୀର ଏକ ଦଳୀୟ ନେତୃ ବୃନ୍ଦ ଖୋର୍ଦ୍ଧା ଓ ବୋଲଗଡ ନିର୍ବାଚନ ମଣ୍ଡଳୀ ଅନ୍ତର୍ଗତ ଅଂଚଳ ଗୁଡିକରେ ଦଳୀୟ ପ୍ରାର୍ଥୀଙ୍କ ସପକ୍ଷରେ ପ୍ରଚାର ଚଳାଇଛନ୍ତି । ଗଂଜାମ ଜିଲ୍ଲା ପରିଷଦ ସଭାପତି ସୁବାସ ଚନ୍ଦ୍ର ବେହେରାଙ୍କ ନେତୃତ୍ୱରେ ଯାଇଥିବା ଏହି ଦଳରେ ପୂର୍ବତନ ବିଧାୟକ ଅଶୋକ କୁମାର ଚୈାଧୁରୀ ଓ ଆଦିକନ୍ଦ ସେଠୀଙ୍କ ସମେତ ପୂର୍ବତନ ଗଂଜାମ ବ୍ଲକ ଅଧ୍ୟକ୍ଷ ସୁରଥ ପାହାନ,ପୂର୍ବତନ ଛତ୍ରପୁର ଏନଏସି ଉପାଧ୍ୟକ୍ଷ ପ୍ରଦୋଷ କୁମାର ବେହେରା,ପୂର୍ବତନ କାଉନସିଲର କିଶୋର ସେନାପତି,ଟି.ଚନ୍ଦ୍ରଶେଖର ରାଓ,ବି,ରାଜିବାବୁ ,ବାଦଲ ପାଣ୍ଡି,ନାରାୟଣ ପଟ୍ଟନାୟକ,ଜିଲ୍ଲା ସଂପାଦକ ମନୋଜ କୁମାର ପାଢୀ,ଗଂଜାମ ବ୍ଲକ ସଭାପତି ଇନ୍ଦ୍ରମଣି ଦଳେଇ,ସାଧାରଣ ସଂପାଦକ କୃଷ୍ଣ ପଲାଇ,ସରପଂଚ ପିତାମ୍ବର ପଣ୍ଡା,ଯୁବ ନେତୃବର୍ଗ ମଧ୍ୟରେ ,ଜି.ପାପା ରାଓ,ଅହିଭୂଷଣ ସାହୁ,ଆଦିତ୍ୟ ନାହାକ,ପ୍ରଭାକର ବେହେରା,ସମରଚାନ୍ଦ ପଣ୍ଡା,ପି.ଗୋପି ପାତ୍ର,କେ.ରମେଶ,ଗୈାତମ ପଲାଇ ଅଛନ୍ତି । ପ୍ରଥମ ଥର ପାଇଁ ଦଳୀୟ ନେତାଙ୍କ ନିର୍ବାଚନ ପ୍ରଚାର ପାଇଁ ଜିଲ୍ଲା ବାହାରକୁ ଯାଇ କାର୍ଯ୍ୟ କରିବାକୁ ସୁଯୋଗ ଓ ଗୁରୁତ୍ୱ ପ୍ରଦାନକରାଯାଇଥିବା ହେତୁ ଛତ୍ରପୁର ଅଂଚଳର ଦଳୀୟ କର୍ମିଙ୍କ ମଧ୍ୟରେ ଉତ୍ସାହ ସୃଷ୍ଟି ହୋଇଛି ।