ଗୁଣପୁର କଲେଜ ଛାତ୍ର ସଂସଦ ନିର୍ବାଚନରେ ବିଜୁ ଛାତ୍ର ଜନତା ଦଳର କ୍ଲିନ ସୁଇପ

ଗୁଣପୁର (ୱାଇଏନଏସ) ଗୁଣପୁର କଲେଜ ଛାତ୍ର ସଂସଦ ନିର୍ବାଚନରେ ବିଜୁ ଛାତ୍ର ଜନତା ଦଳର ସମର୍ଥିତ ସମସ୍ତ ପ୍ରାର୍ଥୀମାନେ ବାଜିମାତ ମାରିଛନ୍ତି। ସେମାନେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଓ କଂଗ୍ରେସ ଦଳ ସମର୍ଥିତ ପ୍ରାର୍ଥୀମାନଙ୍କ ଠାରୁ ଅଧିକା ଭୋଟ ପାଇ ଵିଜୟ ଲାଭ କରିଛନ୍ତି। ସଭାପତି ପଦବୀ ପାଇଁ ଅନୁଷ୍ଠିତ ନିର୍ବାଚନରେ ବିଜୁ ଛାତ୍ର ଜନତା ଦଳର ସମର୍ଥିତ ପ୍ରାର୍ଥୀ ପ୍ରବୀଣ ସାହୁ ଏବଂ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ସମର୍ଥିତ ପ୍ରାର୍ଥୀ ଚିନ୍ମୟୀ ଶବରଙ୍କ ମଧ୍ୟରେ କଢ଼ା ମୁକାବିଲା ହୋଇଥିଲା। ମାତ୍ର ୮ ଟି ଭୋଟ ଅଧିକା ଭୋଟ ପାଇ ବିଜୁ ଛାତ୍ର ଜନତା ଦଳର ପ୍ରବୀଣ ସାହୁ ବିଜୟ ହାସଲ କରିଥିଲେ। ପ୍ରବୀଣ ମୋଟ ୪୪୧ ଭୋଟ ପାଇଥିବା ବେଳେ ଅଖିଳ ଭାରତୀୟ ଵିଦ୍ୟାର୍ଥୀ ପରିଷଦର ସମର୍ଥିତ ପ୍ରାର୍ଥୀ ଚିନ୍ମୟୀ ଶବରଙ୍କୁ ୪୩୩ ଖଣ୍ଡ ଭୋଟ ମିଳିଥିଲା। ସେହିପରି କଂଗ୍ରେସ ସମର୍ଥିତ ପ୍ରାର୍ଥୀ ଶୁଭମ ଶବରଙ୍କୁ ୨୯୩ ଖଣ୍ଡ ଭୋଟ ମିଳିଛି। ସେହିପରି ​ଉପ-ସଭାପତି ପ୍ରାର୍ଥୀ ରାଜେଶ ହରିଜନ ୪୪୪ ଭୋଟ୍ ପାଇ ବିଜୟ ହାସଲ କରିଥିବା ବେଳେ ତୁମୁଳା ଯଶବନ୍ତ ୩୬୭ ଭୋଟ ଏବଂ ହେବାଲ ଗମାଙ୍ଗଙ୍କୁ ୩୩୩ ଟି ଭୋଟ ମିଳିଥିଲା।  ​ସାଧାରଣ ସମ୍ପାଦକ ରୂପେ ବିଜୟ ହାସଲ କରିଥିବା ମନୋଜ ଶବରଙ୍କୁ ୪୪୧ ଭୋଟ୍ ପାଇ ବିଜୟ ହାସଲ କରିଥିବା ବେଳେ ନିକଟତମ ପ୍ରତିଦ୍ଵନ୍ଦି ଆଦିତ୍ୟ ପାଢ଼ୀଙ୍କୁ ୩୭୦ ଭୋଟ ଏବଂ ମାମାଲି ଗୌଡ଼ଙ୍କୁ ୩୩୪ ଭୋଟ ମିଳିଛି। ଅପର ପକ୍ଷରେ  ​ସହ-ସମ୍ପାଦକ ପଦବୀରେ ମହିଳା ପ୍ରାର୍ଥୀ ଏସ. ଶ୍ରୀ ଲକ୍ଷ୍ମୀ ୪୫୦ ଭୋଟ୍ ପାଇ ବିଜୟ ହାସଲ କରିଥିବା ବେଳେ ସ୍ମୃତିମୟୀ ସେନାପତି ୩୯୮ ଭୋଟ ଏବଂ ସୌଦାମିନୀ ପାତିକାଙ୍କୁ ୨୯୮ ଖଣ୍ଡ ଭୋଟ ମିଳିଛି।