ରଣା ଜୁଏଲାରୀରେ କିଷ୍ଣା ଡାଇମଣ୍ଡର ଲକି ଡ୍ର
ବନ୍ତ,(ଚାନ୍ଦିନୀ ମହାନ୍ତି) : ମଙ୍ଗଳବାର ବନ୍ତ ବ୍ଲକ ଆଗରପଡା କଲେଜ ଛକସ୍ଥିତ ରଣା ଜୁଏଲାରୀ ପରିସରରେ କିଷ୍ଣା ଡାଇମଣ୍ଡ ପକ୍ଷରୁ ଲକି ବିଜେତା ଘୋଷଣା କରାଯାଇଛି । ଗତ ପୂଜା ଋତୁରେ ଭଦ୍ରକ, ବାଲେଶ୍ୱର, ମୟୁରଭଞ୍ଜ ଆଦି ଜିଲାରୁ ୨୫ ହଜାରରୁ ଉର୍ଦ୍ଧ୍ୱ ଟଙ୍କାରେ ଡାଇମଣ୍ଡ କିଣିଥିବା ୧୪୦ ଜଣ ଗ୍ରାହକଙ୍କୁ ଏହି କୁପନ ପ୍ରଦାନ କରାଯାଇଥିଲା । କମ୍ପାନୀର ଓଡିଶା ବିକ୍ରେତା ମୁଖ୍ୟ ଅଭିଜିତ ମହାନ୍ତି, ଭଦ୍ରକ ଜିଲା ବିକ୍ରେତା ମୁଖ୍ୟ ଘନଶ୍ୟାମ ତରାଇ, ରଣା ଜୁଏଲାରୀର ସ୍ୱତାଧିକାରୀ ଅଶୋକ ରଣାଙ୍କ ଉପସ୍ଥିତରେ କୁନିଝିଅ ବୈଷ୍ଣବୀ ଦତ୍ତ ଲକି କୁପନ ଉଠାଣ କରିଥିଲେ । ରାନ୍ଦିଆ ଅଞ୍ଚଳର ବିଶ୍ୱରଞ୍ଜନ ପ୍ରଧାନ ଲକି ବିଜେତା ହୋଇଥିବା ବେଳେ ତାଙ୍କୁ ଆକ୍ଟିଭା ସ୍କୁଟି ପ୍ରଦାନ କରାଯାଇଥିଲା । ବିଶ୍ୱରଞ୍ଜନ କିଷ୍ଣା ଡାଇମଣ୍ଡର ଲଟେରୀ କାର୍ଯ୍ୟକୁ ଉଚ୍ଚ ପ୍ରଶଂସା କରିଥିବା ବେଳେ ଗ୍ରାହକଙ୍କୁ ଆକୃଷ୍ଟ ବୃଦ୍ଧିରେ ସହାୟକ ହୋଇ ପାରିବ ବୋଲି କହିଥିଲେ । ଅନ୍ୟମାନଙ୍କ ମଧ୍ୟରେ ଅଶୋକ କୁମାର ପରିଡା, ଚିତ୍ତରଞ୍ଜନ ଉଦ୍ଗାତା, ମଣିଭଦ୍ର ସାହୁ , ରଣା ଜୁଏଲାରୀର ଅନ୍ୟତମ ସ୍ୱତାଧିକାରୀ ରଶ୍ମିତା ରଣା, ଗୌତମ ରଣା, ଉତ୍ତମ ରଣା ପ୍ରମୁଖଙ୍କ ସମେତ ଗ୍ରାହକ ଉପସ୍ଥିତ ଥିଲେ । ପ୍ରକାଶ ଥାଉକି, କିଷ୍ଣା ଡାଇମଣ୍ଡ ୨୦୧୨ରେ ଓଡିଶାରେ ବ୍ୟବସାୟ ଆରମ୍ଭ କରିଥିବା ବେଳେ ୩ଟି ଜିଲା ମଧ୍ୟରେ ରଣା ଜୁଏଲାରୀ ସର୍ବାଧିକ ବିକ୍ରେତା ଅଟନ୍ତି ।
