ପୋଖରୀରେ ବୁଡି ଯୁବତୀର ମୃତ୍ୟୁ

ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ଥାନା ଅନ୍ତର୍ଗତ ଗଳଧାରୀ ଗ୍ରାମର ଲିଙ୍ଗରାଜ ବେହେରାଙ୍କ ଝିଅ ମନୋରମା(୨୭)ଙ୍କର କୌଣସି କାରଣବସତଃ ପୋଖରୀରେ ବୁଡି ମୃତ୍ୟୁ ହୋଇଥିବା ଜଣଯାଇଛି । ସୂଚନା ଅନୁସାରେ ଶୁକ୍ରବାର ରାତିରେ ମନୋରମା ସବୁଦିନ ପରି ଖାଇସାରି ଶୋଇବାକୁ ଯାଇଥିଲା । ଭୋର ସମୟରେ ପରିବାର ଲୋକ ଦେଖିଲା ବେଳକୁ ଝିଅ ବିଛଣାରେ ନଥିଲା । ଝିଅ କୁଆଡେ ଗଲା ବୋଲି ବାପା ଲିଙ୍ଗରାଜ ବହୁ ଖୋଜାଖୋଜି କରିଥିଲେ । ବାରି ପୋଖରୀ ଭିତରୁ ଖୋଜା ଖୋଜି କରିବା ପରେ ଝିଅକୁ ପାଣିରୁ ଉଦ୍ଧାର କରିଥିଲେ । ପଡିଶା ଲୋକଙ୍କ ସହାୟତାରେ ଝିଅକୁ ନାଉଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ । ପୋଲିସ ସୂଚନା ପାଇଁ ସ୍ୱାସ୍ଥ୍ୟ କେନ୍ଦ୍ରରେ ପହଁଚି ଶବକୁ ଜବତ କରିବା ସହିତ ଏକ ଅପମୃତ୍ୟୁ ମାମଲା ୧୭/୨୦୨୪ ରୁଜୁ କରି ଶବକୁ ବ୍ୟବଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଥିବା ଥାନାଧିକାରୀ ସଂଘମିତ୍ରା ନାୟକ କହିଛନ୍ତି ।