ବିଜେଡ଼ି ବିଧାୟିକା ପ୍ରାର୍ଥିନୀ ଏବଂ ସାଂସଦ ପ୍ରାର୍ଥିନୀଙ୍କ ବେଲଗୁଣ୍ଠା ବ୍ଳକ୍ ର ତିନି ପଂଚାୟତରେ ପଦଯାତ୍ରା

ବେଲଗୁଣ୍ଠା, (ସନ୍ତୋଷ ବିଶୋଇ):ଆଜି ବେଲଗୁଣ୍ଠା ବ୍ଳକ୍ ଅନ୍ତର୍ଗତ ଗାଙ୍ଗପୁର,ଖଇରପୁଟି ଏବଂ ପାଇଲିପଡ଼ା ପଂଚାୟତର ବିଭିନ୍ନ ଗ୍ରାମକୁ ପଦଯାତ୍ରାରେ ଯାଇ ବୟସ୍କ, ବୁଦ୍ଧିଜୀବୀ ଭୋଟର୍ ଙ୍କ ଆଶୀର୍ବାଦ ଭିକ୍ଷା କରିବା ସହ ଶଙ୍ଖ ଚିହ୍ନରେ ଭୋଟ୍ ଦେବାପାଇଁ ନିବେଦନ କରିଛନ୍ତି ବିଜେଡ଼ିର ସୋରଡା ବିଧାୟିକା ପ୍ରାର୍ଥିନୀ ସଂଘମିତ୍ରା ସ୍ଵାଇଁ ଏବଂ ଆସିକା ସାଂସଦ ପ୍ରାର୍ଥିନୀ ରଞ୍ଜିତା ସାହୁ I ଆଜି ଉଭୟ ପ୍ରାର୍ଥିନୀଙ୍କ ସହିତ ସୋରଡା ବିଧାୟକ ପୂର୍ଣ୍ଣଚନ୍ଦ୍ର ସ୍ୱାଇଁ,ବରିଷ୍ଠ ବିଜେଡ଼ି ନେତା ହରପ୍ରସାଦ ସାହୁ, ବେଲଗୁଣ୍ଠା ବ୍ଳକ୍ ବିଜେଡ଼ି ସଭାପତି ରାମେଶ୍ଵର ପାତ୍ର, ବ୍ଳକ୍ ଅଧ୍ୟକ୍ଷ ପ୍ରତିନିଧି ଉମା ନାୟକ, ନିର୍ବାଚନ ମଣ୍ଡଳୀ ଯୁବ ବିଜେଡ଼ି ସଭାପତି ଦୁର୍ଗାମାଧବ ନାୟକ, 48 ନମ୍ବର୍ ଜୋନ୍ ଜିଲ୍ଲାପରିଷଦ ସଭ୍ୟ ପ୍ରାର୍ଥୀ ପଞ୍ଚାନନ ସାହୁ, ବ୍ଳକ୍ ଉପାଧ୍ୟକ୍ଷା ପ୍ରମିଳା ପ୍ରଧାନ, ବ୍ଳକ୍ ଯୁବ ବିଜେଡି ସଭାପତି ଶିବରାମ ରାଉତ,ବିଜେଡ଼ି ବ୍ଳକ୍ ମହିଳା ସଭାପତି ମମତା ଭୋଳ, ପୂର୍ବତନ ଜିଲ୍ଲାପରିଷଦ ସଭ୍ୟ ରଙ୍କନିଧି ସାହୁ,ସାଂସଦ ପ୍ରତିନିଧି ସନ୍ତୋଷ କୁମାର ସ୍ୱାଇଁ,ଆସିକା କେନ୍ଦ୍ରୀୟ ବ୍ୟାଙ୍କ୍ ନିର୍ଦ୍ଦେଶକ ସୁମନ୍ତ ବିଷୋୟୀ, ସରପଞ୍ଚ ଜୟରାମ ନାୟକ,ପୂର୍ବତନ ସରପଞ୍ଚ ସୀମାଞ୍ଚଳ ବିଷୋୟୀ, ଦିଲ୍ଲୀପ ଜେନା, ପୂର୍ବତନ ସମିତିସଭ୍ୟ ତୁଷାର ବିଷୋୟୀ, ଯୁବ ନେତା ଭାଲୁ ରାଉତ,ଟୁକୁନା ବିଷୋୟୀଙ୍କ ସମେତ ବହୁ ବିଜେଡ଼ି ନେତା ଓ ପୁରୁଷ ଏବଂ ମହିଳା କର୍ମୀ ଯୋଗ ଦେଇଥିଲେ I ଆଜି ଗାଙ୍ଗପୁର ପଂଚାୟତର ଗାଙ୍ଗପୁର, ବୋରୀ, ଖଇରପୁଟି ପଂଚାୟତର ଖଇରପୁଟି,ସାନ ସାଦରା,ବଡ଼ ସାଦରା,ପାଇଲିପଡ଼ା ପଂଚାୟତର ପାଇଲିପଡ଼ା,କଣ୍ଟା ସାହି, ଉସ୍ତପଲ୍ଲୀ, ବାରଟା, ନୂଆଁଗଡ଼ ଗ୍ରାମକୁ ଯାଇ ଭୋଟ୍ ଭିକ୍ଷା କରିବା ସହ ଘରେ ଘରେ ଶଙ୍ଖ ପୋଷ୍ଟର୍ ଲଗାଇ ଶଙ୍ଖ ଚିହ୍ନର ପ୍ରଚାର କରିଥିଲେ I