ତୁଳସୀପୁର-ସଭାମଣ୍ଡପ ରାସ୍ତା ପାଲଟିଛି ମରଣଯନ୍ତା

ନିମାପଡ଼ା,(ସନ୍ତୋଷ ଦାଶ):ନିମାପଡା ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଲକ୍ଷ ଲକ୍ଷ ଟଙ୍କା ବ୍ୟୟ କରାଯାଇ ତୁଳସୀପୁର ଠାରୁ ସଭାମଣ୍ଡପ ରାସ୍ତା ନିର୍ମାଣ ହୋଇଥିଲା। ନିମ୍ନ ମାନର କାର୍ଯ୍ୟ କାରଣରୁ ଏବେ ରାସ୍ତାଟି ଶୋଚନୀୟ ହୋଇପଡ଼ିଛି। ଫଳରେ ଜନ ସାଧାରଣ ଙ୍କ ଯାତାୟତ ରେ ବାଧା ସୃଷ୍ଟି ହଉଛି। ପ୍ରତେକ ଦିନ ଏହି ରାସ୍ତା ଉପରେ କୋଡିଏ ରୁ ଉର୍ଦ୍ଧ ଗ୍ରାମ ର ଗ୍ରାମବାସୀ ଯାତାୟାତ ପାଇଁ ନିର୍ଭର କରନ୍ତି। ଏହି ରାସ୍ତାର ଉର୍ନତି ନିମନ୍ତେ ପ୍ରତିବର୍ଷ ମରାମତି କରିବା ପାଇଁ ପ୍ରଶାସନ ପକ୍ଷରୁ ଅର୍ଥ ବ୍ୟୟବରାଦ କରାଯାଉଥିବା ବେଳେ କାର୍ଯ୍ୟ ନ କରି ଠିକାଦାର ଲକ୍ଷାଧିକ ଟଙ୍କା ହଡପ କରୁଛନ୍ତି। ଫଳରେ ରାସ୍ତାର ବିଭିନ୍ନ ସ୍ଥାନରେ ସିମେଣ୍ଟ ଗୋଡି ଉଠି ବଡ ବଡ ଗର୍ତ୍ତ ସୃଷ୍ଟି ହୋଇ ଦିନ ଓ ରାତ୍ର ସମୟରେ ଦୁର୍ଘଟଣା ଘଟୁଥିବା ଦେଖିବାକୁ ମିଳୁଛି। ବର୍ଷା ହେଲେ ଗର୍ତ୍ତ ରେ ପାଣି ଭର୍ତ୍ତି ହୋଇ ରହୁଥିବାରୁ ଯାତାୟାତ କରିବା ପାଇଁ ଲୋକ ମାନଙ୍କ ମନରେ ଭୟ ସୃଷ୍ଟି ହେଉଛି।ଏହି ରାସ୍ତା କୁ ତୁରନ୍ତ ମରାମତି କରିବାପାଇଁ ସାଧାରଣରେ ଦାବି ହେଉଛି।