ପାରଳା ଜଗନ୍ନାଥ ମନ୍ଦିର ନିର୍ମାଣର ବିନ୍ଧାଣୀ ସତ୍ଯନାରାୟଣ ପାତ୍ରଙ୍କ ପରଲୋକ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ପାରଳାଖେମୁଣ୍ଡି ଠାରେ ନିର୍ମାଣଧୀନ ଥିବା ଶ୍ରୀ ଜଗନ୍ନାଥ ମନ୍ଦିରର ବିନ୍ଧାଣୀ ସକାଳେ ସତ୍ୟନାରାୟଣ ପାତ୍ରଂକ ନିଜ ସୁନାରୀସାହି ବାସଭବନରେ ପରଲୋକ ହୋଇଯାଇଛି। ୬୯ ବର୍ଷୀୟ ପାତ୍ର ଅଧୁନା ପାରଳାଖେମୁଣ୍ଡି ଜଗନ୍ନାଥ ମନ୍ଦିରର ନିର୍ମାଣ ତଥା ମନ୍ଦିରର ଆନୁସାଂଗିକ କାର୍ଯ୍ୟକ୍ରମରେ ସାମିଲ ହୋଇଥିଲେ। ତତ୍ ସଂଗେସଂଗେ କୋରାପୁଟ ଶାବର ଶ୍ରୀକ୍ଷେତ୍ରର କାର୍ଯ୍ୟକ୍ରମରେ ତାଂକରି ଯଥେଷ୍ଟ ଅବଦାନ ଥିଲା। ତାଙ୍କର ବିୟୋଗରେ ପାରଳା ଜଗନ୍ନାଥ ମନ୍ଦିର ନିର୍ମାଣ କମିଟିର ଦୂର୍ଗାମାଧବ ପାଣିଗ୍ରାହୀ ଏବଂ କମିଟିର ଅନ୍ୟାନ୍ୟ ସଭ୍ୟବ୍ରୁନ୍ଦ ସମେତ ସ୍ୱର୍ଗତ ପାତ୍ରଙ୍କ ବିଦ୍ୟାଳୟ ବନ୍ଧୁ ଭାଗବତ ପାଢୀ, ଲକ୍ଷ୍ମୀନାରାୟଣ ରଥ,ଲକ୍ଷ୍ମଣ ରଥ, ନ୍ରୁସିଂହପ୍ରସାଦ ସାହୁ, ବିନାୟକ ପ୍ରସାଦ ସାହୁ, ପ୍ରଦୀପ ମାଝୀ, ଶକ୍ତି ପ୍ରସାଦ ସୁଆର, ସୁବୋଧ ଚନ୍ଦ୍ର ପାତ୍ର, ଶରତ ଚନ୍ଦ୍ର ସାହୁ ପ୍ରମୁଖ ଗଭୀର ଶୋକ ପ୍ରକାଶ କରି ସ୍ୱର୍ଗତ ଆତ୍ମାଙ୍କୁ ଶ୍ରଦ୍ଧାଞ୍ଜଳୀ ଜଣାଇଛନ୍ତି।