ପୂର୍ବତନ ଉପନଗରପାଳଙ୍କ ପିତୃ ବିୟୋଗ

ଛତ୍ରପୁର, (ଓ୍ବାଇଏନ୍ଏସ୍):ପୂର୍ବତନ ଉପନଗରପାଳ ତଥା ବିଜେପି ନେତା ବସନ୍ତ କୁମାର ବେହେରାଙ୍କ ପିତା ଅବସରପ୍ରାପ୍ତ ବ୍ୟାଙ୍କ ଜମାଦାର ଲକ୍ଷ୍ମଣ ବେହେରା (୮୭)ଙ୍କ ଆଜି ପୂର୍ବାହ୍ନରେ ବିୟୋଗ ଘଟିଛି । ସେ ଜଣେ ମେଳାପି, ପରୋପକାରୀ, ବନ୍ଧୁ ବାତ୍ସଲ୍ୟ ଓ ଧାର୍ମିକ ବ୍ୟକ୍ତି ଭାବେ ଛତ୍ରପୁର ଆଖପାଖ ଅଂଚଳରେ ସୁପରିଚିତ ଥିଲେ । ତାଙ୍କର ବିୟୋଗରେ ଛତ୍ରପୁର ଆଖପାଖ ଅଂଚଳରେ ଆଜି ଶୋକର ଛାୟା ଖେଳିଯାଇଛି । ତାଙ୍କର ମୃତ୍ୟୁ ଖବର ପାଇ ଶେଷ ଦର୍ଶନ ନିମନ୍ତେ ତିରୁପତି ରାଓ ପେଟା ସାହି ସ୍ଥିତ ତାଙ୍କର ବାସଭବନରେ ଛତ୍ରପୁର ଆଖପାଖ ଅଂଚଳର ବହୁ ମାନ୍ୟଗଣ୍ୟ ବ୍ୟକ୍ତିମାନେ ଉପସ୍ଥିତ ରହି ପରିବାର ବର୍ଗଙ୍କୁ ସମବେଦନା ଜଣାଇଥିଲେ । ମୃତ୍ୟୁ ଶଯ୍ୟା ନିକଟରେ ତାଙ୍କର ଧର୍ମ ପତ୍ନୀ, ଦୁଇଟି ପୁଅ, ବୋହୂ, ତିନୋଟି ଝିଅ ,ଜ୍ୱାଇଁ ଓ ୧୮ଜଣ ନାତି ନାତୁଣୀ ଏବଂ ବନ୍ଧୁବାନ୍ଧବ ମାନେ ଉପସ୍ଥିତ ଥିଲେ । ତାଙ୍କର ଅନ୍ତିମ ଶେଷକୃତ୍ୟ ପୁରୀରେ କରାଯାଇଛି ।