ବନ୍ୟାଞ୍ଚଳରେ ଜାରି ରହିଛି ଉଦ୍ଧାର କାର୍ଯ୍ୟ
ବାଲେଶ୍ବର(ସରୋଜ ପଣ୍ଡା) ବାଲେଶ୍ୱର ପୌରପାଳିକାର ବନ୍ୟା ପ୍ରଭାବିତ ବିଭିନ୍ନ ଅଞ୍ଚଳରେ ଅଗ୍ନିଶମ ସେବା ବାହିନୀର ଦଳଗୁଡ଼ିକ ସକ୍ରିୟ ଭାବେ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି। ଅଟକି ରହିଥିବା ଲୋକମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ସହିତ ଆବଶ୍ୟକତା ଥିବା ଲୋକଙ୍କୁ ସମୟୋପଯୋଗୀ ସହାୟତା ଯୋଗାଇ ଦିଆଯାଉଛି। ଜଳେଶ୍ୱର ବ୍ଲକ ପ୍ରଶାସନ ପକ୍ଷରୁ ବନ୍ୟା ପ୍ରଭାବିତ ଅଞ୍ଚଳଗୁଡ଼ିକରେ ମାଗଣା ରନ୍ଧନଶାଳା ପରିଚାଳନା କରାଯାଇ ରହିଛି। ଏହା ମାଧ୍ୟମରେ ବନ୍ୟା ପ୍ରଭାବିତ ପରିବାରଗୁଡ଼ିକୁ ସଦ୍ୟ ପ୍ରସ୍ତୁତ ରନ୍ଧା ଖାଦ୍ୟ ଯୋଗାଇ ଦିଆଯାଉଛି। ଏହି ପଦକ୍ଷେପ ଦ୍ୱାରା ବନ୍ୟା ପ୍ରଭାବିତ ଲୋକମାନଙ୍କୁ ସମୟୋଚିତ ଭାବେ ପୁଷ୍ଟିକର ଖାଦ୍ୟ ଓ ଆବଶ୍ୟକ ସହାୟତା ଯୋଗାଇବା ସୁନିଶ୍ଚିତ କରାଯାଉଛି। ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ବାଲେଶ୍ୱର ବର୍ତ୍ତମାନ ଭୋଗରାଇ ବ୍ଲକରେ ରହି ବନ୍ୟା ପ୍ରଭାବିତ ଅଞ୍ଚଳରେ ଚାଲିଥିବା ଉଦ୍ଧାର ଓ ରିଲିଫ୍ କାର୍ଯ୍ୟର ତଦାରଖ କରୁଛନ୍ତି। ଏଥିସହିତ, ବନ୍ୟା ପ୍ରଭାବିତ ପରିବାରଗୁଡ଼ିକୁ ସମୟୋଚିତ ଭାବେ ରନ୍ଧା ଖାଦ୍ୟ ଓ ଆବଶ୍ୟକ ସହାୟତା ବଣ୍ଟନ ସୁନିଶ୍ଚିତ କରିବା ପାଇଁ ମାଗଣା ରନ୍ଧନଶାଳାଗୁଡ଼ିକର କାର୍ଯ୍ୟକଳାପ ମଧ୍ୟ ନିରୀକ୍ଷଣ କରୁଛନ୍ତି। ଭୋଗରାଇ ବ୍ଲକର ବନ୍ୟା ପ୍ରଭାବିତ ବିଭିନ୍ନ ଅଞ୍ଚଳରେ ମାଗଣା ରନ୍ଧନଶାଳାଗୁଡ଼ିକ କାର୍ଯ୍ୟକ୍ଷମ ରହିଛି। ଏହା ମାଧ୍ୟମରେ ବନ୍ୟା ପ୍ରଭାବିତ ପରିବାରଗୁଡ଼ିକୁ ସଦ୍ୟ ପ୍ରସ୍ତୁତ ରନ୍ଧା ଖାଦ୍ୟ ଯୋଗାଇ ଦିଆଯାଉଛି। ବ୍ଲକ ପ୍ରଶାସନ ପକ୍ଷରୁ ବନ୍ୟା ପ୍ରଭାବିତ ଲୋକମାନଙ୍କୁ ସମୟୋଚିତ ଖାଦ୍ୟ ସହାୟତା ଏବଂ ନିରନ୍ତର ଆବଶ୍ୟକୀୟ ସହଯୋଗ ଯୋଗାଇ ଦିଆଯାଉଛି।
